මේ දිනවල පවතින අධික උෂ්ණත්වය හේතුවෙන් කොළඹ අශ්වාරෝහක බළකායේ රඳවා සිටින අශ්වයන්ගේ සිරුරු සිසිල් කිරීම සඳහා දිනකට තුන්හතර වතාවක් ඔවුන් නැහැවීමට පියවර ගෙන ඇති බව ජ්යෙෂ්ඨ පොලිස් නිලධාරියෙක් ‘දිවයින’ පුවත්පතට පවසා තිබේ.
අධික උෂ්ණත්වය හමුවේ අශ්වයන්ගේ සිරුරු සිසිල් කිරීමට කටයුතු නොකළහොත් ඔවුන් රෝගී වීමට ඉඩ ඇති බවට වෛද්යවරුන් අනතුරු ඇඟවීම නිසා මෙම ක්රියාමාර්ගය ගත් බව එම නිලධාරියා සඳහන් කළේය. ඊට අමතරව, අශ්වයන් ගාල් කර සිටින ඉස්තාල වෙත විදුලිපංකා යොදවා ඔවුන්ට අවශ්ය සිසිලස සැපයීමට ද කටයුතු කර ඇත.
කොළඹ අශ්වාරෝහක බළකාය යටතේ දැනට අශ්වයන් 18 දෙනෙකු රඳවා සිටින අතර, ඉදිරියේදී උෂ්ණත්වය තවදුරටත් ඉහළ ගියහොත් අශ්වයන් මහනුවරට හෝ නුවරඑළියට යැවීමට කටයුතු කරන බවද උසස් නිලධාරියා වැඩිදුරටත් කියා සිටියේය.
