සිංහල සහ දෙමළ අලුත් අවුරුද්දේ පැළ සිටුවීමේ චාරිත්රයට සමගාමීව, කොළඹ මහ නගර සභාව විසින් කොළඹ 10, සංඝරාජ මාවත දෙපස මී පැළ අටක් සිටුවීමේ වැඩසටහනක් සංවිධානය කර තිබුණි. පසුගිය බ්රහස්පතින්දා උදෑසන 9:01 ට යෙදුණු පැළ සිටුවීමේ නැකත් වේලාවට අනුව කොළඹ නගරාධිපතිනී ව්රායි කැලි බැල්තසාර් (Vraîe Cally Balthazaar) මහත්මියගේ ප්රධානත්වයෙන් මෙම කටයුතු සිදුකෙරිණි.
නගර සභාවේ ඉඩම් සහ පරිසර දෙපාර්තමේන්තුව බොහෝ විට “ගස් කපන ඒකකය” ලෙස හඳුන්වනු ලැබුවද, නගරයේ හරිත ආවරණය පුළුල් කිරීමට නගර සභාව දැඩි ලෙස කැපවී සිටින බව මෙහිදී නගරාධිපතිනිය අවධාරණය කළාය. පසුගිය වසර තුළ නගරය පුරා පැළ 100කට ආසන්න ප්රමාණයක් සිටුවා ඇති අතර, පාසල් තුළ ඔසු උයන් ඇති කිරීම සහ නාගරික වනාන්තර කලාප (Urban forest patches) නිර්මාණය කිරීම වැනි ව්යාපෘති ද දැනටමත් ක්රියාත්මක වේ. “අපි අපේ ජනතාව මෙන්ම ගස්වැල් ද රැකබලා ගන්නවා” යනුවෙන් පවසමින් සෞඛ්ය සම්පන්න සහ හරිත කොළඹක් නිර්මාණය කිරීමේ දැක්ම නගරාධිපතිනිය මෙහිදී යළිත් තහවුරු කළාය.
