කොංගෝ ප්රජාතාන්ත්රික ජනරජයේ වාර්තා වී ඇති එබෝලා ආසාදිතයන් සංඛ්යාව 7,000 සීමාව ඉක්මවා ගොස් ඇති බව එරට රජයේ දත්ත මගින් තහවුරු කර තිබේ. බුන්ඩිබුග්යෝ (Bundibugyo) එබෝලා ප්රභේදය හේතුවෙන් හටගත් මෙම වසංගතය කොංගෝ ඉතිහාසයේ වාර්තා වූ විශාලතම සහ මාරාන්තිකම වසංගතය බවට පත්ව ඇත.
රජයේ නවතම සංඛ්යාලේඛනවලට අනුව සමස්ත මරණ සංඛ්යාව 3,300 ඉක්මවා ඇති අතර, රෝගය මේ වන විට පළාත් හතක් දක්වා ව්යාප්ත වී තිබේ. මීට අමතරව, වසංගතයේ ප්රධාන උණුසුම් කලාපයෙන් බැහැරව පිහිටා ඇති දකුණු උබාංගි (South Ubangi) පළාතෙන්ද නව එබෝලා ආසාදිතයකු වාර්තා වී ඇති බව සෞඛ්ය අංශ නිවේදනය කරයි. වෛරසයේ පැතිරීම පාලනය කිරීම සඳහා ජාත්යන්තර සහන සංවිධාන සහ වෛද්ය කණ්ඩායම් දැඩි පරිශ්රමයක නිරතව සිටිති.
