මාතර, බ්රවුන්ස්හිල් ප්රදේශයේ ඉඩමක් මිලදී ගැනීම සහ එහි සුඛෝපභෝගී නිවසක් ඉදිකිරීමේ සිද්ධියකට අදාළව පවතින නඩුවට (Browns Hill Case) අද දින අධිකරණයේ පෙනී නොසිටීම හේතුවෙන්, හිටපු අමාත්ය බැසිල් රාජපක්ෂ මහතා වහාම අත්අඩංගුවට ගෙන ඉදිරිපත් කරන ලෙස මාතර මහේස්ත්රාත් අධිකරණය විසින් විවෘත වරෙන්තු නිකුත් කර තිබේ.
රජයේ මුදල් අවභාවිත කරමින් සහ අයථා ලෙස උපයාගත් මුදල් යොදවමින් මෙම දේපළ මිලදී ගෙන ඇති බවට එල්ල වී ඇති චෝදනා මතුවූ දා සිට මෙම නඩුව දීර්ඝ කාලයක් තිස්සේ විභාගයට ගැනෙන අතර, අද දින නඩුව කැඳවූ අවස්ථාවේදී සැකකාර බැසිල් රාජපක්ෂ මහතා අධිකරණය හමුවේ පෙනී නොසිටීම හේතුවෙන් මහේස්ත්රාත්වරයා මෙම නියෝගය නිකුත් කළේය. මේ අනුව, වරෙන්තුකරු වහාම අත්අඩංගුවට ගෙන අධිකරණයට ඉදිරිපත් කිරීමට අවශ්ය පියවර ගන්නා ලෙස පොලිසිය වෙත උපදෙස් දී තිබේ.
