ශ්රී ලංකාවේ ප්රමුඛතම බැංකු නොවන මූල්ය ආයතනයක් මෙන්ම මහජන බැංකුවට අනුබද්ධිත ආයතනයක් වන පීපල්ස් ලීසිං ඇන්ඩ් ෆිනෑන්ස් පීඑල්සී (PLC) සමාගම සිය ප්රශංසනීය 30 වැනි සංවත්සරය 2026 මැයි 31 වන දින අභිමානයෙන් යුතුව සැමරීමට සියලු කටයුතු සූදානම් කර තිබේ. නව්ය මූල්ය විසඳුම් රැසක් ක්ෂේත්රයට හඳුන්වා දෙමින් දිවයින පුරා විහිදී සිටින සාමාන්ය ජනතාව, දේශීය ව්යවසායකයින් සහ විවිධ පරිමාණයේ ව්යාපාර සවිබල ගැන්වීම වෙනුවෙන් කැපවූ දශක තුනක සාර්ථක හා තිරසාර ආර්ථික ගමනක් මෙම සන්ධිස්ථානය මඟින් සනිටුහන් කරනු ලබයි.
පසුගිය වසර 30 ක කාලය පුරා මූල්ය ඇතුළත් කිරීම්, පාරිභෝගික කේන්ද්රීය සේවාවන් සහ ස්ථාවර ආර්ථික වර්ධනය කෙරෙහි දැක්වූ අනුකූලතාව හේතුවෙන් පීපල්ස් ලීසිං ආයතනය මෙරට මූල්ය සේවා ක්ෂේත්රයේ නොමැකෙන ප්රමුඛ නාමයක් බවට පත්ව ඇත. 1996 වසරේදී මහජන බැංකුවේ පූර්ණ අනුබද්ධිත සමාගමක් ලෙස ඉතා නිහතමානීව ආරම්භ වූ දා සිට, ලීසිං, විවිධ ණය පහසුකම්, ඉතුරුම් හා ස්ථාවර තැන්පතු ඇතුළු අනෙකුත් මූල්ය සේවාවන්හි පෙරගමන්කරුවෙකු ලෙස සිය ආයතනික ශක්තිය විදහා පෑමට ඔවුන් සමත්ව තිබේ. වර්තමානය වන විට රට පුරා විහිදුණු පුළුල් ශාඛා ජාලයක් සහ 3,000 කට අධික කැපවූ දක්ෂ සේවක මණ්ඩලයක් සමඟින්, විශේෂයෙන්ම ක්ෂුද්ර, කුඩා සහ මධ්ය පරිමාණ ව්යවසායකයින්ගේ (MSMEs) සිහින සැබෑ කරමින් ජාතික ආර්ථිකයට සුවිශේෂී දායකත්වයක් සපයයි. කාලීන ඩිජිටල්කරණය, මෙහෙයුම් විශිෂ්ටත්වය සහ ශක්තිමත් ආයතනික පාලන රාමුවක් පවත්වා ගැනීම හරහා පාරිභෝගික අත්දැකීම් ඉහළ නැංවීමට ද සමාගම නිරන්තරයෙන් කටයුතු කර ඇත.
