තරුණ ලංකා ව්යවසායකයන්ගේ මණ්ඩලයේ (COYLE) සමාජ සේවා සහ පුණ්යාධාර අංශය වන COYLE කාන්තා අංශයේ (COYLE Ladies Chapter) 2026-2027 වාරය සඳහා නව සභාපතිනිය ලෙස කැපිටල් ට්රස්ට් ප්රොපර්ටීස් (Capital Trust Properties) සමාගමේ ප්රධාන විධායක නිලධාරිනී සහ සභාපතිනී මිනෝලි වික්රමසිංහ මහත්මිය පත් කර තිබේ. 2026 අප්රේල් මස මුලදී පැවැත්වුණු COYLE 27 වන සංවත්සරය සහ වාර්ෂික මහා සභා රැස්වීමේදී මෙම පත්වීම ප්රකාශයට පත් කෙරිණි.
2005 වසරේදී ආරම්භ කරන ලද COYLE කාන්තා අංශය, මෙරට අඩු වරප්රසාදිත ප්රජාවන් නගාසිටුවීම වෙනුවෙන් වසර ගණනාවක් පුරා විවිධ සුභසාධන ව්යාපෘති රැසක් ක්රියාත්මක කර ඇත. ලේඩි රිජ්වේ රෝහලේ “ලිට්ල් හාර්ට්ස්” (Little Hearts) ව්යාපෘතියට සහය වීම සහ කෘත්රිම පාද පරිත්යාග කිරීම වැනි මානුෂීය මෙහෙවරයන් ඒ අතරින් ප්රධාන වේ. මිනෝලි වික්රමසිංහ මහත්මියගේ නායකත්වය යටතේ මෙවර එම අංශයේ ප්රධාන අවධානය යොමු වන්නේ “සිප් ශක්ති” (Sip Shakthi) ව්යාපෘතිය වෙතයි.
“සිප් ශක්ති” ව්යාපෘතිය හරහා මෙරට ග්රාමීය පාසල්වල යටිතල පහසුකම්, සෞඛ්යාරක්ෂිත වැසිකිළි පද්ධති සහ ඉගෙනුම් සම්පත් වැඩිදියුණු කිරීමට අපේක්ෂා කෙරේ. කොළඹ ප්රධාන පාසල්වල පවතින පහසුකම්වලට සමාන මට්ටමකට ග්රාමීය පාසල් ඔසවා තැබීම සිය අරමුණ බව පවසන වික්රමසිංහ මහත්මිය, ඩිජිටල් පන්ති කාමර වැනි නවීන අධ්යාපන මෙවලම් ග්රාමීය දරුවන්ට සමීප කරවීමට ද සැලසුම් කර ඇත. අධ්යාපනය සමාජයක මූලිකම අවශ්යතාවක් බැවින්, එම ක්ෂේත්රයේ පවතින අඩුපාඩු මඟහරවා දරුවන්ට හිතකර ඉගෙනුම් පරිසරයක් නිර්මාණය කිරීම මෙම වසරේ සිය ප්රමුඛතම වගකීම බව ඇය අවධාරණය කරයි.
