නවදිල්ලියේ හයිද්රාබාද් හවුස්හිදී ඉන්දීය අග්රාමාත්ය නරේන්ද්ර මෝදි මහතා සමඟ පැවැති සාකච්ඡාවකින් අනතුරුව සයිප්රස් ජනාධිපති නිකොස් ක්රිස්ටෝඩවුලයිඩ්ස් මහතා සිදුකළ ප්රකාශය මේ වන විට ජාත්යන්තර අවධානයට ලක්ව තිබෙනවා. ඉන්දියාව එක්සත් ජාතීන්ගේ ආරක්ෂක මණ්ඩලයේ ස්ථිර සාමාජිකත්වය ලබාගත යුතු බව තහවුරු කරමින් ඔහු සඳහන් කළේ ගෝලීය පාලන ව්යුහය වර්තමාන ලෝක යථාර්ථයන් නිවැරදිව පිළිබිඹු කළ යුතු බවයි. ඉන්දියාවේ නැගී එන ගෝලීය භූමිකාව සහ දේශපාලන ස්ථාවරත්වය සැලකිල්ලට ගනිමින් මෙවැනි ප්රමුඛ තීරණයක් ගැනීම අත්යවශ්ය බව ජනාධිපතිවරයා මෝදි මහතා ඉදිරියේම වැඩිදුරටත් අවධාරණය කළා. දෙරට අතර පැවැති ඒකාබද්ධ මාධ්ය සාකච්ඡාවේදී ඔහු පෙන්වා දුන්නේ ලෝක දේශපාලනයේ සහ ආරක්ෂක කටයුතුවලදී ඉන්දියාවේ සහභාගීත්වය සහ දායකත්වය ලෝකයේ ඉදිරි ගමන් මගට ඉතා වැදගත් වන බවයි.
