ශ්රී ලංකාව සහ පාකිස්තානය අතර පවතින දිගුකාලීන මිත්රත්වය සහ සහයෝගීතාව තවදුරටත් වර්ධනය කර ගැනීමේ අරමුණින් ශ්රී ලංකාවේ පාකිස්තානු මහ කොමසාරිස් මේජර් ජෙනරාල් විශ්රාමික නයර් නසීර් මහතා සහ බුද්ධශාසන ආගමික හා සංස්කෘතික කටයුතු අමාත්ය ආචාර්ය හිනිදුම සුනිල් සෙනෙවි මහතා අතර විශේෂ නිල හමුවක් අමාත්යාංශ පරිශ්රයේදී පැවැත්වුණා. දෙරට අතර පවතින ශක්තිමත් සබඳතාව තවදුරටත් පුළුල් කිරීම වෙනුවෙන් මෙම සාකච්ඡාව ඉතා වැදගත් වූ අතර එහිදී ආගමික හා සංස්කෘතික සහයෝගීතාව ප්රවර්ධනය කිරීම සහ ආගමික හා සංස්කෘතික අධ්යාපනය නංවාලීම පිළිබඳව විශේෂ අවධානයක් යොමු වුණා. මීට අමතරව පශ්චාත් උපාධි අධ්යාපන අවස්ථා පුළුල් කිරීම මෙන්ම තරුණ හා ශිෂ්ය හුවමාරු වැඩසටහන් ක්රියාත්මක කිරීම සහ සංචාරක ව්යාපාරය ප්රවර්ධනය කිරීම ඇතුළු කරුණු රැසක් පිළිබඳව දෙපාර්ශ්වය විසින්ම දීර්ඝ ලෙස සාකච්ඡා කළා. මෙම අවස්ථාව සඳහා පාකිස්තානු මහ කොමසාරිස් කාර්යාලයේ පළමු ලේකම් බිලාල් ඛාන් මහතා ඇතුළු රාජ්ය තාන්ත්රික නිලධාරීන් සහ බුද්ධශාසන ආගමික හා සංස්කෘතික කටයුතු අමාත්යාංශයේ ජ්යෙෂ්ඨ නිලධාරීන් ඇතුළු පිරිසක් එක්ව සිටියා.
