ජෙෆ්රි එප්ස්ටයින් (Jeffrey Epstein) වෙනුවෙන් තරුණ කාන්තාවන් බඳවා ගත් බවට චෝදනා එල්ල වූ මෝස්තර නිරූපණ ක්ෂේත්රයේ බඳවාගැනීම් නිලධාරියෙකු වන ඩැනියෙල් සියාඩ් (Daniel Siad) ප්රංශයේ පැරිස් නුවරට ආසන්නයේ පිහිටි ඔහුගේ නිවසේදී මියගොස් සිටියදී සොයාගෙන තිබේ.
අමෙරිකානු අධිකරණ දෙපාර්තමේන්තුවේ එප්ස්ටයින් ලිපිගොනු මගින් නම් කර තිබූ 69 හැවිරිදි සියාඩ්ට එරෙහිව මානව ජාවාරම් සහ ස්ත්රී දූෂණ චෝදනා සම්බන්ධයෙන් ප්රංශ අභිචෝදකයන් විසින් විමර්ශන සිදු කරමින් පැවතුණි. හිටපු ස්වීඩන් මෝස්තර නිරූපණ ශිල්පිණියක වන එබ්බා කාල්සන් විසින් ද ඔහුට එරෙහිව දූෂණ චෝදනා ගොනු කර තිබූ අතර, ඔහුව අත්අඩංගුවට ගැනීමට නියමිතව තිබියදී මෙම මරණය සිදුව තිබේ. කෙසේ වෙතත්, තමා කිසි දිනෙක බාලවයස්කරුවන් එප්ස්ටයින් වෙත හඳුන්වා දී නොමැති බවත් තම කටයුතු හුදෙක් වෘත්තීය මට්ටමේ ඒවා පමණක් බවත් ඔහු මියයාමට පෙර ප්රකාශ කර තිබුණි.
