ලොව සුපතළ ස්වභාවවේදියෙකු සහ ප්රවීණ මාධ්යවේදියෙකු වන ශ්රීමත් ඩේවිඩ් ඇටන්බරෝ මහතා අද (08) සිය 100 වැනි උපන්දිනය සමරනු ලබයි. දශක හතකට වැඩි කාලයක් පුරා ස්වභාවධර්මය සහ වනජීවී ලෝකය මිනිස් නිවෙස් කරා සමීප කළ ඒ මහතාගේ සේවය ඇගයීම සඳහා ලන්ඩන් නුවර ඇතුළු ලොව පුරා විවිධ උත්සව සංවිධානය කර තිබේ. 1926 මැයි 08 වනදා උපත ලැබූ ඔහු, සිය ජීවිත කාලයම කැප කරනු ලැබුවේ මිහිතලයේ ජෛව විවිධත්වය ආරක්ෂා කිරීම සහ ඒ පිළිබඳව ලෝකයා දැනුවත් කිරීම සඳහාය. ඔහුගේ මෑත කාලීන නිර්මාණයක් වන ‘Wild London’ වාර්තා වැඩසටහන හරහා නාගරික පරිසරය තුළ පවතින වනජීවී සුන්දරත්වය විදහා දැක්වීමට ද ඔහු කටයුතු කළේය. සියවසක් සපුරන මේ මොහොතේදී වනජීවී සංරක්ෂකයින් සහ ලොව පුරා රසිකයින් ඔහුට සිය උපහාර පිරිනමමින් සිටින්නේ පෘථිවියේ හඬ ලෙස ඔහු ඉටුකළ අමිල මෙහෙවර සිහිපත් කරමිනි.
