මොනරාගල, රතුගල ආදිවාසී ගම්මානයේ නායක දානිගල මහබණ්ඩලාගේ සුදාවන්නිලා ඇත්තන්ගේ දේහය පිළිබඳ අවසන් කටයුතු හෙට (09) එම ගම්මානයේදී සිදු කිරීමට නියමිතය.
පසුගිය 06 වනදා අභාවප්රාප්ත වන විට 62 වන වියේ පසු වූ සුදාවන්නිලා ඇත්තෝ, සිව්දරු පියෙකි. කාලයක් රෝගාතුරව සිටි ඒ මහතා කොළඹ වැලිසර මහ රෝහලේ ප්රතිකාර ලබමින් සිටියදී මෙලෙස අභාවප්රාප්ත විය. රතුගල ආදිවාසී ජනතාවගේ සංස්කෘතික අනන්යතාව රැකගැනීමට මූලිකත්වය ගත් ඔහු, 2016 වසරේදී පාර්ලිමේන්තුවට පවා ගොස් තම ජනතාවගේ අයිතිවාසිකම් සහ ගැටලු වෙනුවෙන් රාජ්ය නායකයන් හමුවී හඬක් නැගූ සුවිශේෂී නායකයෙකි.
ඔහුගේ අවසන් කටයුතු ඌව පළාත් සභාවේ සහ සංස්කෘතික කටයුතු අමාත්යාංශයේ අනුග්රහය යටතේ හෙට දින රතුගල ආදිවාසී ගම්මානයේදී සිදු කිරීමට නියමිත බව ඔහුගේ සහෝදරයෙකු වන දානිගල මහ බණ්ඩලාගේ කුමාර වන්නියා මහතා සඳහන් කරයි.
