දෙහිවල ජාතික සත්වෝද්යානය සිය අභිමානවත් 90 වන සංවත්සරය සමරමින්, එහි උපත ලද සිංහ පැටවුන් දෙදෙනා සඳහා නම් තැබීමේ තරඟයේ ජයග්රාහකයන් වෙත ත්යාග ප්රදානය කිරීම පසුගියදා උත්සවාකාරයෙන් සිදු කෙරිණි.
නවසීලන්ත තානාපති කාර්යාලයේ නියෝජ්ය මහ කොමසාරිස් ගේබ්රියෙල් අයිසැක් මහත්මියගේ ප්රධානත්වයෙන් මෙම උත්සවය පැවැත්විණි. එහිදී සත්වෝද්යානයේ උපත ලද සිංහ පැටවුන් දෙදෙනා සඳහා මිනුවන්ගොඩ පදිංචි යෙරූෂා මානවඩු විසින් යෝජනා කළ ‘සෝරා’ (Zora – ගැහැණු සතා) සහ දෙහිවල පදිංචි ඈන් ට්රිෂා විසින් යෝජනා කළ ‘කයිරෝ’ (Cairo – පිරිමි සතා) යන නම් ජයග්රාහී නම් ලෙස ප්රසිද්ධියට පත් කෙරිණි.
උත්සවයෙන් අනතුරුව, එම සිංහ පැටවුන් දෙදෙනා සිය මව සමඟ සිංහ දූපතට මුදාහැරුණු අතර, මහජන ප්රදර්ශනය සඳහා ඔවුන්ව පළමු වරට විවෘත විය.
සත්වෝද්යාන අධ්යක්ෂ ජනරාල් පශුවෛද්ය චන්දන රාජපක්ෂ මහතා ඇතුළු ජාතික සත්වෝද්යාන දෙපාර්තමේන්තුවේ ඉහළ නිලධාරීන් රැසක් ද, පරිසර අමාත්යාංශයේ නියෝජිතයන් ද මෙම අවස්ථාවට සහභාගී වූහ. පසුගිය දෙසැම්බර් මාසයේ උපත ලැබූ මෙම සිංහ පැටවුන් දෙදෙනා සත්වෝද්යානයට එක්වූ ආකර්ෂණීය සාමාජිකයන් දෙදෙනෙකු වේ.
