දෙහිවල ජාතික සත්වෝද්යානයේ දිගු කාලයක් වාසය කළ වයස්ගතම ගැහැණු ජිරාෆ් සත්ත්වයා ඊයේ (18) රාත්රියේදී මියගොස් ඇති බව ජාතික සත්වෝද්යාන දෙපාර්තමේන්තුව නිල වශයෙන් තහවුරු කර තිබේ. සාමාන්ය ස්වභාවික පරිසරයකදී හෝ වනයේදී ජිරාෆ් සත්ත්වයන්ගේ ආයු කාලය වසර 20ත් 25ත් අතර අගයක පැවතුණද, මනා පෝෂණය හා සංරක්ෂණ ක්රමවේද මත යැපුණු මෙම සත්ත්වයා වසර 30කට ආසන්න කාලයක් ජීවත් වෙමින් සුවිශේෂී ආයු කාලයක් භුක්ති විඳ තිබීම විශේෂත්වයකි.
මියයන අවස්ථාව වන විට සත්ත්වයා දැඩි ලෙස රෝගාතුරවී නොතිබූ අතර, වයස්ගත වීමත් සමඟ ඇති වූ ස්වභාවික තත්ත්වයන් මත මෙම මරණය සිදුවී ඇති බව මූලික නිරීක්ෂණ මඟින් අනාවරණය වී ඇත. කෙසේ වෙතත්, සත්ත්වයාගේ මරණයට හේතුව නිශ්චිතව තහවුරු කරගැනීම සඳහා වන වැඩිදුර පශ්චාත් මරණ පරීක්ෂණ කටයුතු අද (19) දින ක්රියාත්මක කිරීමට සත්වෝද්යාන පාලනාධිකාරිය පියවර ගෙන තිබේ.
ජාතික සත්වෝද්යාන දෙපාර්තමේන්තුව විසින් ක්රියාත්මක කරන සත්ත්ව හුවමාරු වැඩසටහන් යටතේ ඉදිරි කාලයේදී නව ජිරාෆ් සතුන් යුගළ දෙකක් මෙරටට රැගෙන ඒමට නියමිතව ඇති අතර, එමඟින් දෙස් විදෙස් සංචාරකයන්ට මෙන්ම සත්ව ලෝලීන්ට යළිත් සත්වෝද්යානය තුළ ජිරාෆ් සතුන් දැකබලා ගැනීමේ අවස්ථාව උදා වනු ඇත.
