අද (16) දින මහරගම නගර සභා බල ප්රදේශයේදී පැවැති ජාතික ඩෙංගු මර්දන සතියේ සමාරම්භක උත්සවයට එක්වෙමින් අග්රාමාත්ය ආචාර්ය හරිනි අමරසූරිය මහත්මිය ප්රකාශ කළේ, රටේ පාසල්, රාජ්ය ආයතන, පෞද්ගලික ආයතන සහ පොදු ස්ථාන රැසක් ඩෙංගු ව්යාප්තියේ අධි අවදානම් සහිත ස්ථාන ලෙස සෞඛ්ය අංශ විසින් තහවුරු කර ඇති බවයි.
මෙම තත්ත්වය හමුවේ මහජනතාව, රාජ්ය සහ පෞද්ගලික ආයතන ප්රධානීන් ඇතුළු සැමගේ වගකීම අතිශය වැදගත් වන බව අග්රාමාත්යවරිය අවධාරණය කළාය. කොට්ටාව නගර මධ්යයේදී පැවැති මෙම වැඩසටහනේදී ඇය වැඩිදුරටත් සඳහන් කළේ, ඩෙංගු මර්දනය යනු හුදෙක් සෞඛ්ය අංශවලට පමණක් පැවරිය හැකි කාර්යයක් නොවන බවත්, සෑම පුරවැසියෙකුම තමන් ජීවත් වන සහ සේවය කරන පරිසරය ඩෙංගු මදුරුවන් බෝවන ස්ථානවලින් තොරව පවත්වා ගැනීමට කැපවිය යුතු බවත්ය.
විශේෂයෙන්ම දරුවන් අධ්යාපනය ලබන පාසල් සහ විශාල පිරිසක් සේවය කරන රාජ්ය ආයතනවල පිරිසිදුකම පිළිබඳව දැඩි අවධානයක් යොමු කරමින්, මදුරුවන් බෝ විය හැකි ස්ථාන නිරන්තරයෙන් පරීක්ෂා කර විනාශ කිරීමට පියවර ගන්නා ලෙස ඇය උපදෙස් ලබා දුන්නාය. ජාතික ඩෙංගු මර්දන සතිය තුළ රට පුරා මෙවැනි වැඩසටහන් ක්රියාත්මක කරමින්, ඩෙංගු ව්යාප්තිය අවම කිරීම රජයේ ප්රමුඛ පරමාර්ථයක් බවද අග්රාමාත්යවරිය මෙහිදී සිහිපත් කළාය.
