දැනට පවතින ඩෙංගු රෝග ව්යාප්තියේ වේගය අනුව, මෙම තත්ත්වය 2017 වසරටත් වඩා අවදානම් සහගත විය හැකි බව ඩෙංගු කළමනාකරණය පිළිබඳ විශේෂඥ කමිටුවේ සාමාජික, විශේෂඥ වෛද්ය ආනන්ද විජේවික්රම මහතා අනතුරු අඟවයි.
රෝගීන් ශීඝ්රයෙන් ඉහළ යාම හේතුවෙන් බස්නාහිර පළාතේ රෝහල්වල ධාරිතාව මේ වන විටත් ඉක්මවා ගොස් ඇත. ඇතැම් රෝහල්වල පවතින දැඩි ඉඩකඩ ප්රශ්නය නිසා එක් ඇඳක් මත රෝගීන් දෙදෙනෙකු හෝ තිදෙනෙකු රඳවා ප්රතිකාර කිරීමට සිදුව තිබීම වෛද්යවරයා විසින් පෙන්වා දෙනු ලබන ප්රධාන ගැටලුවකි.
මදුරු කීට ඝනත්වය සැලකිය යුතු ලෙස ඉහළ ගොස් ඇති බැවින්, ඩෙංගු ව්යාප්තිය සම්බන්ධයෙන් ඉදිරි සති දෙක අතිශය අවදානම් කාලසීමාවක් බව ඔහු අවධාරණය කරයි. රූපවාහිනී වැඩසටහනකට එක්වෙමින් විශේෂඥ වෛද්යවරයා මෙම අදහස් පළ කළේය.
