සමාජයක් ලෙස මහජනතාව තමන්ගේ සමාජ වගකීම් නිවැරදිව ඉටු කළේ නම් ඩෙංගු මරණ මෙන්ම ජලභීතිකා මරණ ද වළක්වා ගැනීමට හැකියාව තිබූ බව රාජ්ය පරිපාලන, පළාත් සභා සහ පළාත් පාලන අමාත්ය, මහාචාර්ය චන්දන අභයරත්න මහතා ප්රකාශ කළේය. ඊයේ (18) කොළඹ පැවති වැඩසටහනකට එක්වෙමින් අමාත්යවරයා මේ බව සඳහන් කළේය. එහිදී අදාළ රෝගී තත්ත්වයන් වාර්තා වීම පිළිබඳව විශේෂ අවධාරණයක් සිදුකළ අමාත්යවරයා, දැනට හඳුනාගෙන ඇති රෝගී සිදුවීම් අතුරින් 04ක්ම වාර්තා වී ඇත්තේ පුත්තලම දිස්ත්රික්කයෙන් බව ද මෙහිදී අනාවරණය කළේය.
පළාත් පාලන ආයතන සහ සෞඛ්ය අංශ කොතෙක් උත්සාහ කළ ද මහජනතාවගේ සෘජු දායකත්වයකින් තොරව බෝවන රෝග මර්දනය කිරීම අසීරු බව අමාත්යවරයා මෙහිදී පෙන්වා දුන්නේය. විශේෂයෙන්ම ගෘහස්ථ හා අවට පරිශ්ර පිරිසිදුව තබා ගැනීම මෙන්ම සත්ව එන්නත්කරණ වැඩසටහන් කෙරෙහි දක්වන උනන්දුව මත මෙම මරණ සංඛ්යාව අවම කරගත හැකිව තිබූ බව හෙතෙම සඳහන් කළේය. වසංගත රෝග තත්ත්වයන් පාලනය කිරීම සඳහා පළාත් සභා සහ පළාත් පාලන මට්ටමින් ක්රියාත්මක වන යාන්ත්රණයන් වඩාත් සක්රීය කිරීමට අදාළ නිලධාරීන්ට උපදෙස් දී ඇති බව ද අමාත්යවරයා වැඩිදුරටත් ප්රකාශ කළේය.
දිස්ත්රික් මට්ටමින් ව්යාප්ත වන මෙවැනි සෞඛ්ය අවදානම් පිළිබඳව කලාපීය සෞඛ්ය නිලධාරී කාර්යාල සහ පළාත් පාලන ආයතන ඒකාබද්ධව පුළුල් දැනුවත් කිරීමේ වැඩසටහන් ක්රියාත්මක කිරීමේ අවශ්යතාව සෞඛ්ය විශේෂඥයෝ ද පෙන්වා දෙති. පුත්තලම ඇතුළු අවදානම් සහගත දිස්ත්රික්ක කෙරෙහි සෞඛ්ය අංශවල විශේෂ අවධානය යොමුව ඇති පසුබිමක, ආයතනික මට්ටමින් සහ සමාජීය වශයෙන් සිදුකෙරෙන පවිත්රතා සහ ආරක්ෂණ වැඩපිළිවෙළ කඩිනම් කිරීම රෝග ව්යාප්තිය පාලනය සඳහා ඇති එකම විකල්පය බව ක්ෂේත්රයේ නිලධාරීන්ගේ පොදු නිරීක්ෂණය වී තිබේ.
