ජාතික ඩෙංගු මදුරු මර්දන වැඩසටහනේ අධ්යක්ෂ වෛද්ය කපිල කන්නන්ගර මහතා පවසන පරිදි, මෙරට ඩෙංගු අධි අවදානම් සෞඛ්ය වෛද්ය නිලධාරි කොට්ඨාස සංඛ්යාව මේ වන විට 124ක් දක්වා ඉහළ ගොස් ඇත.
මේ වන විට රට පුරා ප්රදේශවලින් වාර්තා වී ඇති සමස්ත ඩෙංගු ආසාදිතයන් සංඛ්යාව 52,068ක් වන අතර, එම කාලසීමාව තුළ වාර්තා වී ඇති මරණ සංඛ්යාව 31කි. ජූනි මාසයේ පසුගිය දින 27ක කාලය තුළ පමණක් ඩෙංගු ආසාදිතයන් 18,227ක් වාර්තා වී ඇති අතර, ඉන් වැඩිම පිරිසක් කොළඹ දිස්ත්රික්කයෙන් වාර්තා වී තිබේ. දැනට ආසාදිතයන් 2,179ක් රෝහල්ගතව ප්රතිකාර ලබමින් සිටිති.
සමස්ත ඩෙංගු ආසාදිතයන්ගෙන් සියයට 52.44ක් හෙවත් 27,305ක් බස්නාහිර පළාතෙන් වාර්තා වන අතර, දකුණු පළාතෙන් සියයට 15.83ක් ද, සබරගමුව පළාතෙන් සියයට 8.98ක් ද ලෙස රෝගීන් වාර්තා වී ඇත.
තම නිවෙස් අවට පරිසරය මදුරුවන් බෝ විය නොහැකි අයුරින් පිරිසිදුව පවත්වා ගැනීම මගින් ඩෙංගු ව්යාප්තිය අවම කර ගත හැකි බව වෛද්ය කපිල කන්නන්ගර මහතා වැඩිදුරටත් අවධාරණය කරයි.
