අධ්යාපන සහ උසස් අධ්යාපන නියෝජ්ය අමාත්ය වෛද්ය මධුර සෙනෙවිරත්න මහතා ගමන් ගත් මෝටර් රථය ඊයේ (22) රාත්රියේ කිතුල්ගල ප්රදේශයේදී අනතුරට ලක්ව තිබේ. අමාත්යවරයා කොළඹ සිට හැටන් හරහා නුවරඑළිය බලා ගමන් කරමින් සිටියදී, කිතුල්ගල කළුකොහුතැන්න ප්රදේශයේදී රථය මාර්ගයෙන් ලිස්සා ගොස් විදුලි කණුවක ගැටීමෙන් මෙම අනතුර සිදු වී ඇත.
අනතුර සිදුවන අවස්ථාවේදී රථය තුළ නියෝජ්ය අමාත්යවරයා සහ රියදුරා පමණක් සිට ඇති අතර, වාසනාවකට මෙන් ඔවුන් දෙදෙනාටම කිසිදු අනතුරක් සිදුව නොමැති බව වාර්තා වේ. කෙසේ වෙතත්, අනතුරින් මෝටර් රථයට බරපතල හානි සිදුවී ඇති අතර සිද්ධිය සම්බන්ධයෙන් කිතුල්ගල පොලිසිය වැඩිදුර විමර්ශන පවත්වයි.
