English 
DFCC බැංකුවෙන් ‘සැමට ඉංග්‍රීසි’ වැඩසටහන අඛණ්ඩව ඉදිරියට
DFCC බැංකුව රටේ තරුණ පරපුරේ ඉංග්‍රීසි භාෂා අධ්‍යාපනය සහ වෘත්තීමය ජීවිතයට අවශ්‍ය කුසලතා වැඩිදියුණු කිරීමේ අරමුණින් වසර කීපයකට පෙර ආරම්භ කළ දීපව්‍යාප්ත ප්‍රජා සත්කාර වැඩසටහනක් වන ‘සැමට ඉංග්‍රීසි’ වැඩසටහන අඛණ්ඩව 5 වන වරටත් ක්‍රියාත්මක කර තිබේ.
ප්‍රධාන අංශ 6 ක් යටතේ DFCC බැංකුවේ ප්‍රජා සත්කාර වැඩසටහන් ක්‍රියාත්මක වන අතර, ‘සැමට ඉංග්‍රීසි’ යනු ඒ අතරින් ‘අධ්‍යාපන’ අංශය යටතේ ක්‍රියාත්මක වන වැඩසටහනකි.
මෙම වසරේ ‘සැමට ඉංග්‍රීසි’ වැඩසටහන යටතේ, හම්බන්තොට, ත්‍රිකුණාමලය සහ නුවරඑළිය යන දිස්ත්‍රික්ක වල වයස අවුරුදු 18 ත් 25 ත් අතර තරුණ තරුණියන් පිරිසකට තම ඉංග්‍රීසි භාෂා හා ඔවුන්ගේ කුසලතා සංවර්ධනය කරගැනීමට අවස්ථාව හිමි විය.
‘සැමට ඉංග්‍රීසි’ වැඩසටහන හේතුවෙන් 2017 වසරේ සිට 2021 වසර දක්වා ගම්පහ, කළුතර, මහනුවර, කුරුණෑගල, ගාල්ල, අම්පාර, රත්නපුර, පොළොන්නරුව, යාපනය, බදුල්ල, අනුරාධපුර සහ වවුනියාව යන දිස්ත්‍රික්කවල තරුණ තරුණියන් 350 කට අධික පිරිසකට අවස්ථාව ලබා දුන් අතර, DFCC බැංකුවේ දීර්ඝකාලීන තිරසාර සංවර්ධන ක්‍රමෝපාය යටතේ, අභියෝග වලට ඔරොත්තු දිය හැකි ශක්තිමත් ප්‍රජාවක් නිර්මාණය කිරීමේ අරමුණින් මෙය ක්‍රියාවට නංවනු ලැබේ.
“ශ්රී ලංකාවේ මෙන්ම පිටරටවලත් රැකියා සඳහා, ඉංග්‍රීසි භාෂාව ප්‍රගුණ කර තිබීම ප්‍රධාන සුදුසුකමක් ලෙස සැලකෙනවා. එම නිසා මෙරට තරුණ පරපුරට තම ඉංග්‍රීසි දැනුම වැඩිදියුණු කරගැනීමට අත්වැලක් වීමට අප තීරණය කළා. එමගින් ඔවුන්ට තම පෞද්ගලික හා වෘත්තීය දියුණුව ළඟාකර ගැනීම සඳහා අවස්ථා රාශියක් උදාවෙනවා. එමෙන්ම ඉංග්‍රීසි භාෂාව දැන සිටීම මගින් ඔවුන්ට අන්තර්ජාලය ඔස්සේ තමන්ට කැමති පරිදි තොරතුරු ලබාගෙන දැනුම වැඩිදියුණු කරගැනීමටත්, නව දැක්මකින් යුතුව ලෝකය දෙස බැලීමට අවස්ථාව ලැබෙනවා. අඛණ්ඩව 5 වන වසරටත් මෙම වැඩසටහන ක්‍රියාවට නැංවීමට හැකි වීම අපට මහත් සතුටක්.” DFCC බැංකුවේ ප්‍රධාන විධායක නිලධාරී තිමල් පෙරේරා මහතා පැවසී ය.
මාස 4 ක කාලසීමාවක් පැවැත්වෙන ‘සැමට ඉංග්‍රීසි’ වැඩසටහන DFCC බැංකුව වෙනුවෙන් මෙහෙයවනු ලබන්නේ Gateway Language Institute මගිනි. වැඩසටහනට එක්වන තරුණ තරුණියන්ට අනාගතයේ රැකියා සොයාගැනීමට ලැබෙන අවස්ථාවන් තවදුරටත් වැඩි කිරීමේ අරමුණින් වෘත්තීමය කුසලතා සංවර්ධනයද එහි විෂය මාලාවට ඇතුළත් කර ඇත. පාඨමාලාවේ කථන ඉංග්‍රීසි පුහුණුව මාස තුනක කාලයක් සිදුකරනු ලබන අතර ඊට රැකියා වෙළඳපොළට අවශ්‍ය සන්නිවේදනය, මූලික ව්‍යාකරණ හා වාක්‍ය ව්‍යුහය, සවන්දීම, කියවීම සහ ලිවීම යන කුසලතා වැඩිදියුණු කිරීම ඇතුළත් වේ. මීට අමතරව දෙදෙනෙකු හෝ කණ්ඩායම් වශයෙන් සිදුකරන සාමූහික ක්‍රියාකාරකම්ද ඊට ඇතුළත් ය. මාසයක කාලයක් පැවැත්වෙන වෘත්තීමය කුසලතා සංවර්ධනය යටතේ කණ්ඩායමක් ලෙස එක්ව වැඩ කිරීම, කාලය කළමනාකරණය, කථනය, ඉදිරිපත් කිරීම, ලිවීම සහ සම්මුඛ සාකච්ඡා වලට මුහුණ දීම වැනි කුසලතා වැඩිදියුණු කෙරේ. DFCC බැංකුවේ ශාඛා පිහිටා ඇති ප්‍රදේශ ආසන්නයේ මෙම පාඨමාලාවන් පැවැත්වෙන නිසා, අයදුම්පත් කැඳවීමේ දැන්වීම් අදාළ ශාඛාවල ප්රදර්ශනය කෙරුණු අතර, මූලික ඇගයීමකින් අනතුරුව පාඨමාලාවන්ට සුදුස්සන් තෝරාගන්නා ලදි.
පාඨමාලාව සහ එය හැදෑරීමේදී අවශ්‍ය වන ලිපිද්‍රව්‍ය ආදිය නොමිලේ මෙහිදී පිරිනමනු ලබන අතර, පාඨමාලාව සාර්ථකව නිමකරන තරුණ තරුණියන්ට DFCC බැංකුව සහ Gateway Language Institute වෙතින් වටිනා සහතික පත්‍රයක් පිරිනැමේ. මීට අමතරව එම තරුණියන්ට, DFCC බැංකුව විසින් සිදුකරන ලද මූලික තැන්පතුවක් සහිත ඉතිරි කිරීමේ ගිණුමක්ද නොමිලේ හිමි වේ. පාඨමාලාව අතරතුර ඉහළම දක්ෂතා පෙන්නුම් කරන තරුණ තරුණියන්ට DFCC බැංකුවේ සීමාවාසික පුහුණු අවස්ථා හිමි වීම තවත් විශේෂත්වයකි.
DFCC” Samata English” CSR initiative continues supporting Youth with English Language and Soft Skills Training across the country
Guided by its wide-reaching sustainability strategy, DFCC Bank continues its Samata English, “English for Everyone,” social support and development programme for the 5th consecutive year, which is the Bank’s flagship project under the “Education” pillar, one of the 6 cross-cutting themes under the Bank’s sustainability vision, contributing towards resilient communities.
This year, the ongoing programmes will also empower a broad spectrum of youth aged 18-25 who have completed the GCE Advanced Level Examination in the Hambantota, Trincomalee and Nuwara Eliya Districts through the promotion and development of English language and soft skills.
Over the past years, from 2017 to 2021, DFCC Bank’s Samata English programme has directly benefited over 350 young people across the Island in Gampaha, Kalutara, Kandy, Kurunegala, Galle, Ampara, Rathnapura, Polonnaruwa, Jaffna, Badulla, Anuradhapura and Vavuniya. This programme is part of DFCC Bank’s long-term sustainability strategy and focuses on one of its core pillars, Developing Resilient Communities.
පිටපත – PR