DFCC බැංකුව සහ ශ්රී ලංකන් ගුවන් සේවය (SriLankan Airlines) ඒකාබද්ධව නව Visa Platinum ක්රෙඩිට් කාඩ්පතක් හඳුන්වා දී තිබේ. කොළඹ 3, ගාලු පාරේ පිහිටි DFCC බැංකු ප්රධාන කාර්යාලයේදී මෙම සමාරම්භක උත්සවය පැවැත්විණි.
මෙම නව සම සන්නාමගත (co-branded) ක්රෙඩිට් කාඩ්පත හරහා කාඩ්පත් හිමියන්ට දේශීය හා ජාත්යන්තර වියදම් මත FlySmiLes සැතපුම් (Miles) එකතු කර ගැනීමට අවස්ථාව හිමි වේ. මීට අමතරව, ප්රමුඛතා පිරික්සුම් (priority check-in), ගුවන් තොටුපළ විවේකාගාර (lounge) ප්රවේශය, අමතර බෑගේජ් දීමනාව සහ වට්ටම් ඇතුළු විශේෂ ගමන් වරප්රසාද රැසක් හිමි වන අතර, කාඩ්පත ලබා ගන්නා අවස්ථාවේදීම බෝනස් FlySmiLes සැතපුම් 3,000ක තිළිණයක්ද පිරිනමනු ලැබේ.
DFCC බැංකුවේ අධ්යක්ෂ සහ ප්රධාන විධායක නිලධාරී තිමල් පෙරේරා මහතා සඳහන් කළේ පාරිභෝගිකයන්ගේ වෙනස්වන ජීවන රටාවන්ට ගැළපෙන නවීන බැංකු විසඳුම් ලබා දීමට මෙම හවුල්කාරීත්වය ඉමහත් පිටුවහලක් වන බවයි. එසේම, ශ්රී ලංකන් ගුවන් සේවයේ වාණිජ ප්රධානී දිමුත් තෙන්නකෝන් මහතා පැවසුවේ එදිනෙදා ගනුදෙනු හරහා ගුවන් මගීන්ට ප්රතිලාභ ලබා ගැනීමට මෙමඟින් වැඩි අවස්ථාවක් සැපයෙන බවයි.
