ශ්රී ලංකා වේගපන්දු යවන ක්රීඩක ඩිල්ෂාන් මධුශංක මෙවර ඉන්දීය ප්රිමියර් ලීග් (IPL 2026) තරගාවලිය සඳහා සන්රයිස් හයිද්රාබාද් (Sunrisers Hyderabad) කණ්ඩායම සමඟ එක්වන බව එම කණ්ඩායම් කළමනාකාරිත්වය නිල වශයෙන් නිවේදනය කර තිබේ.
සන්රයිස් හයිද්රාබාද් කණ්ඩායම නියෝජනය කළ වේගපන්දු යවන ක්රීඩක බ්රයිඩ්න් කාර්ස් (Brydon Carse) ආබාධයකට ලක්වීම හේතුවෙන් ඔහුට මෙවර තරගාවලියෙන් ඉවත් වීමට සිදුව ඇත. ඒ අනුව ඔහු වෙනුවට ආදේශක ක්රීඩකයෙකු ලෙස ඩිල්ෂාන් මධුශංකව කණ්ඩායමට ඇතුළත් කර ගැනීමට පියවර ගෙන තිබේ. පසුගිය කාලසීමාව තුළ ජාත්යන්තර පිටියේ දැක්වූ සුවිශේෂී දක්ෂතා සැලකිල්ලට ගනිමින් ඔහුට මෙම අවස්ථාව හිමිව ඇත.
මේ වන විටත් ශ්රී ලාංකික ක්රීඩකයන් කිහිපදෙනෙකුම මෙවර IPL තරගාවලියේ විවිධ කණ්ඩායම් නියෝජනය කරමින් සිටින අතර, මධුශංකගේ පැමිණීම සන්රයිස් හයිද්රාබාද් කණ්ඩායමේ වේගපන්දු බලඇණිය තවදුරටත් ශක්තිමත් කරනු ඇතැයි විචාරකයෝ පවසති.
