වර්තමානයේ ඇතැම් සමාජ මාධ්ය ජාලා විසින් ඒ.අයි. (AI) තාක්ෂණය භාවිත කරමින් මහා සංඝරත්නයට අසත්ය මඩ ප්රහාර එල්ල කිරීම දැඩි ලෙස හෙළා දකින බව ඓතිහාසික දිඹුලාගල ආරණ්ය සේනාසනාධිපති පූජ්ය දිඹුලාගල රාහුලාලංකාර නාහිමියෝ ප්රකාශ කරති. සිවුරු පොරවාගත් සුළු පිරිසක් සමාජය කැලඹෙන අයුරින් ක්රියා කළද, එම කරුණු පදනම් කරගනිමින් සමස්ත සංඝරත්නයට මඩ ගැසීම අනුමත කළ නොහැකි බව උන්වහන්සේ අවධාරණය කළහ.
දිඹුලාගල ආරණ්ය සේනාසනාධිපතිව වැඩ විසූ මාතර කිතලගම ශ්රී සීලාලංකාර නාහිමියන්ගේ 31 වන ගුණ සමරුව නිමිත්තෙන් මනම්පිටිය මාගන්තොට සීලාලංකාර බෞද්ධ මධ්යස්ථානයේ පැවැති උත්සවයකදී නාහිමියන් මේ බව සඳහන් කළහ.
නාහිමියන් විසින් අවධාරණය කරන ලද ප්රධාන කරුණු වන්නේ නීතිය ක්රියාත්මක කිරීමයි. රජය විසින් නීතිය ක්රියාත්මක කරන වකවානුවක, මෙවැනි අසත්ය මඩ ප්රහාර මෙහෙයවන සමාජ මාධ්ය කණ්ඩායම් මර්දනය කිරීම රජයේ වගකීමක් බවත්, ඒ සඳහා රජය වහා මැදිහත් වී නීතිය දැඩිව ක්රියාත්මක කළ යුතු බවත් උන්වහන්සේ පැවසූහ.
සංඝරත්නයේ කැපවීම සම්බන්ධයෙන් අදහස් දැක්වූ නාහිමියෝ, මෙවැනි මඩ ප්රහාර මර්දනය කිරීමට මහා සංඝරත්නය අත්වැල් බැඳ ගැනීමට සූදානම් බවත්, ඊට රජයේ පූර්ණ සහය අවශ්ය බවත් ප්රකාශ කළහ.
සීලාලංකාර නාහිමි ආදර්ශය සිහිපත් කරමින් උන්වහන්සේ සඳහන් කළේ, අභාවප්රාප්ත කිතලගම ශ්රී සීලාලංකාර නාහිමියන් වැඩ සිටියේ නම්, සමාජ මාධ්ය ඔස්සේ සංඝරත්නයට පහර දීමට කිසිවෙකුටත් ඉඩක් නොලැබෙනු ඇති බවයි.
සමාජය තුළ බුදු දහම සහ සංඝ සංස්ථාව කෙරෙහි පවතින ගෞරවය පවත්වාගෙන යාම සඳහා මෙවැනි අසත්ය ප්රචාර මැඩපැවැත්වීම ඉතා වැදගත් බවත්, ආණ්ඩුව නීතියට ගරු කරමින් මෙම ප්රශ්නය විසඳීමට කඩිනමින් පියවර ගත යුතු බවත් දිඹුලාගල රාහුලාලංකාර නාහිමියෝ වැඩිදුරටත් අවධාරණය කළහ.
