පසුගිය වසරේ ඇති වූ ‘දිට්වා’ සුළි කුණාටුවෙන් පීඩාවට පත් ත්රිකුණාමලය දිස්ත්රික්කයේ ධීවරයින්ගේ ජීවනෝපාය නැවත ගොඩනැගීමේ අරමුණින්, රුපියල් මිලියන 1.3 ක මූල්ය ප්රතිපාදන යටතේ නව ධීවර බෝට්ටු 19 ක් ප්රදානය කිරීමේ උත්සවය ත්රිකුණාමලය දිස්ත්රික් ලේකම් කාර්යාලයේදී පැවැත්විණි.
ත්රිකුණාමලය දිස්ත්රික් දිසාපති ඩබ්ලිව්.ජී.එම්. හේමන්ත කුමාර මහතාගේ සංවිධානයෙන් පැවැති මෙම උත්සවයට ධීවර, ජලජ සහ සාගර සම්පත් අමාත්ය රාමලිංගම් චන්ද්රසේකර් මහතා සහභාගී වී පීඩාවට පත් ධීවරයින් වෙත මෙම බෝට්ටු ප්රදානය කළේය. සුළි කුණාටුව නිසා බෝට්ටු සහ උපකරණ අහිමි වී දුෂ්කරතාවලට මුහුණ දුන් ධීවරයින්ට මෙමඟින් යළිත් සිය රැකියාවන් ආරම්භ කර ජීවනෝපාය ශක්තිමත් කර ගැනීමට අවස්ථාව උදා වී තිබේ.
මෙම අවස්ථාවට විදේශ කටයුතු හා විදේශ රැකියා නියෝජ්ය අමාත්ය අරුණ් හේමචන්ද්ර, ත්රිකුණාමල දිස්ත්රික් පාර්ලිමේන්තු මන්ත්රී රොෂාන් අක්මීමන, අමාත්යාංශ ලේකම් ආචාර්ය බී.කේ. කෝලිත කමල් ජිනදාස, ධීවර හා ජලජ සම්පත් දෙපාර්තමේන්තුවේ අධ්යක්ෂ ජනරාල් සුසන්ත කහවත්ත යන මහත්වරුන් ඇතුළු රාජ්ය නිලධාරීන් සහ ධීවර ජනතාව විශාල පිරිසක් එක්ව සිටියහ.
