පාස්කු ප්රහාර සිද්ධියට අදාළව අත්අඩංගුවට ගෙන රඳවාගෙන ප්රශ්න කරනු ලැබූ හිටපු ජාතික බුද්ධි ප්රධානී සුරේෂ් සලේ මහතා අත්අඩංගුවට ගැනීමට එරෙහිව පැවැති සත්යග්රහයකදී සහ මාධ්ය හමුවලදී අධිකරණ ක්රියාවලිය විවේචනය වන අයුරින් අදහස් දැක්වූ බව කියන හිටපු ඇමතිවරුන් සහ දේශපාලන ක්රියාකාරිකයින් සය දෙනෙකුට එරෙහිව අධිකරණයට අපහාස කිරීම සම්බන්ධයෙන් අභියාචනාධිකරණය හමුවේ නඩු පැවරීමට කොටුව මහේස්ත්රාත් පසන් අමරසේන මහතා තීරණය කර තිබේ.
අපරාධ පරීක්ෂණ දෙපාර්තමේන්තුව කළ ඉල්ලීමක් සහ ඉදිරිපත් කළ විමර්ශන වාර්තා මෙන්ම මාධ්ය ආයතනවලින් ලබාගත් සංස්කරණය නොකළ වීඩියෝ දර්ශන සලකා බැලීමෙන් අනතුරුව මහේස්ත්රාත්වරයා මෙම නියෝගය නිකුත් කර ඇත.
මෙම නඩුව පැවරීමට නියමිතව ඇත්තේ පහත සඳහන් පුද්ගලයින් හය දෙනාට එරෙහිවය:
විමල් වීරවංශ,උදය ගම්මන්පිල,සුගීෂ්වර බණ්ඩාර,දිලිත් ජයවීර,අසංක නවරත්න,මහින්ද පතිරණ
අදාළ සැකකරු රඳවා තබා ගැනීම සහ ප්රතිකාර ලැබීම සම්බන්ධයෙන් මෙම පිරිස විසින් ප්රසිද්ධියේ අදහස් පළ කරමින් යුක්තිය පසිඳලීමේ ක්රියාදාමය කෙරෙහි මහජන අප්රසාදයක් සහ සැකයක් ඇතිවන ආකාරයට කටයුතු කර ඇතැයි රහස් පොලිසිය අධිකරම හමුවේ පෙන්වා දී තිබේ.
