පාස්කු ඉරිදා ත්රස්ත ප්රහාරයේ විමර්ශනවලට අදාළව, මහජන ආරක්ෂක අමාත්යාංශයේ වත්මන් ලේකම් රවී සෙනෙවිරත්න, අපරාධ පරීක්ෂණ දෙපාර්තමේන්තුවේ (CID) හිටපු අධ්යක්ෂ ශානි අබේසේකර, සිරිල් ගාමිණී පියතුමා, හිටපු අමාත්ය හරින් ප්රනාන්දු, රන්ජන් රාමනායක සහ මාධ්යවේදී තරිඳු ජයවර්ධන ඇතුළු පිරිසකට එරෙහිව ගොනුකර තිබූ පෞද්ගලික පැමිණිලි 8ක් කොළඹ කොටුව මහේස්ත්රාත් අධිකරණයේදී ඊයේ (08) ඉල්ලා අස්කර ගනු ලැබීය. විශ්රාමික බලපන්ති ලුතිනන් අජිත් ශාන්ත ජයතිලක නැමැත්තෙකු විසින් මෙම පෞද්ගලික පැමිණිලි ඉදිරිපත් කර තිබුණි.
කොළඹ කොටුව මහේස්ත්රාත් පසන් අමරසේන මහතා විසින් පෙන්වා දෙනු ලැබුවේ මෙම පැමිණිලිවල සඳහන් කරුණු විමසීමට මහේස්ත්රාත් අධිකරණයට නෛතික බලයක් නොමැති බවයි. නීතිඥ සහායක් නොමැතිව, නීතිය පිළිබඳ නිසි අවබෝධයකින් තොරව විමර්ශන නිලධාරීන්ට එරෙහිව කිසිදු සාක්ෂියක් නැතිව මෙලෙස පැමිණිලි ඉදිරිපත් කරමින් අධිකරණයේ වටිනා කාලය හිතාමතා නාස්ති කරන බව අධිකරණය නිරීක්ෂණය කළේය. මින් පෙර ද අවස්ථා කිහිපයකදීම පැමිණිලිකරුට අවවාද කර ඇති බව සිහිපත් කළ මහේස්ත්රාත්වරයා, ඉදිරියටත් මෙලෙස කටයුතු කරන්නේ නම් අත්අඩංගුවට ගෙන දැඩි නෛතික පියවර ගන්නා බවට පැමිණිලිකරුට විවෘත අධිකරණයේදී දැඩි ලෙස අවවාද කළේය.
