තායිලන්තයේ බැංකොක් නුවරදී අද (16) සිදුවූ දරුණු දුම්රිය අනතුරක් හේතුවෙන් පුද්ගලයින් අට දෙනෙකු ජීවිතක්ෂයට පත්ව තවත් 25 දෙනෙකු තුවාල ලබා ඇති බව එරට පොලිසිය සහ සහන සේවා අංශ තහවුරු කරයි. දුම්රියක්, මගී ප්රවාහන බස් රථයක්, මෝටර් රථ සහ යතුරුපැදි කිහිපයක් එකිනෙක ගැටීමෙන් මෙම බිහිසුණු අනතුර සිදුව ඇති අතර, අනතුරත් සමඟ හටගත් දරුණු ගින්නකින් බස් රථය සහ අවට තිබූ වාහන සම්පූර්ණයෙන්ම ගිලිනු ලැබීය.
සිද්ධිය සැලවීමත් සමඟ වහාම ක්රියාත්මක වූ ගිනි නිවන ඒකක සහ සහන ගවේෂණ කණ්ඩායම් දැඩි පරිශ්රමයක් යොදමින් ගින්න පාලනය කිරීමටත්, සුන්බුන් අතර සිරවී සිටි තුවාල ලැබූවන් මුදා ගැනීමටත් කටයුතු කළහ. මේ වන විට ගින්න සම්පූර්ණයෙන්ම පාලනය කර ඇති අතර, සහන සේවකයින් විසින් ප්රදේශයේ ආරක්ෂිත බව තහවුරු කරමින් වායු කාන්දුවීම් වැළැක්වීමට සහ තවදුරටත් අනතුරට පත්වූවන් සිටින්නේදැයි සෝදිසි මෙහෙයුම් දියත් කරමින් සිටී. අනතුර සිදුවීමට හේතුව මෙතෙක් අනාවරණය වී නොමැති අතර තායිලන්ත බලධාරීන් මේ පිළිබඳව පුළුල් පරීක්ෂණයක් ආරම්භ කර ඇත.
