ලෝකයට බලපෑම් එල්ල කර ඇති එල්නිනෝ තත්ත්වය සහ මැදපෙරදිග පවතින යුදමය වාතාවරණය හමුවේ මෙරට ආනයනික අත්යවශ්ය භාණ්ඩ මිල තවදුරටත් ඉහළ යෑමේ දැඩි අවදානමක් පවතින බව අත්යවශ්ය ආහාර ද්රව්ය ආනයනකරුවන්ගේ සංගමයේ සභාපති ගනේෂ් විනායගම්සුන්දරම් මහතා ප්රකාශ කරයි.
ඉදිරියේදී ආනයනික අත්යවශ්ය ආහාර ද්රව්යවල මිල 20%ත් 25%ත් අතර අගයකින් ඉහළ යා හැකි අතර, පසුගිය දින කිහිපය තුළ පමණක් ආනයනික සීනි කිලෝග්රෑමයක මිල රුපියල් 40කින් පමණ ඉහළ ගොස් තිබේ. මේ අතර, දිවයිනට බලපා ඇති දැඩි වියළි කාලගුණය හේතුවෙන් දිස්ත්රික්ක 5ක ප්රාදේශීය ලේකම් කොට්ඨාස 19ක ජනතාව පානීය ජල හිඟතාවයෙන් දැඩි ලෙස පීඩාවට පත්ව සිටින බව ආපදා කළමනාකරණ මධ්යස්ථානය සඳහන් කරයි. අම්පාර, මඩකලපුව, මොණරාගල, පොළොන්නරුව සහ රත්නපුර යන දිස්ත්රික්කවල පවුල් 23,377කට අයත් පුද්ගලයින් 73,214ක් මේ වන විට පීඩාවට පත්ව ඇති අතර, පවුල් 22,987ක පුද්ගලයින් 71,893 දෙනෙකු සඳහා බවුසර් මඟින් පානීය ජලය බෙදා හැරීමට පියවර ගෙන ඇත. එසේම, නැගෙනහිර පළාත ඇතුළු ප්රදේශ කිහිපයක මිනිස් සිරුරට දැනෙන උණුසුම 39°C ත් 45°C ත් අතර ඉහළ අගයක පවතින බව කාලගුණ විද්යා දෙපාර්තමේන්තුව නිවේදනය කරයි.
