ප්රංශ ජනාධිපති මන්දිරය හෙවත් එලිසේ මාලිගයේ (Élysée Palace) තිබූ යුරෝ ලක්ෂ ගණනක් වටිනා සුඛෝපභෝගී පිඟන් සහ රිදී භාණ්ඩ සොරකම් කර අලෙවි කිරීමේ ජාලයක් පවත්වාගෙන ගිය එහි හිටපු භාරකරුට පැරිස් අධිකරණයක් මඟින් සිර දඬුවම් නියම කර තිබේ.
තොමස් එම්. (Thomas M.) නැමැති මෙම හිටපු භාරකරු 2023 සහ 2025 කාලය තුළ මාලිගයට අයත් යුරෝ 400,000 කට ආසන්න වටිනාකමකින් යුත් සුවිශේෂී මේස භාණ්ඩ (Tableware) සොරකම් කර ඇති බව අධිකරණයේදී තහවුරු විය. ඔහුට වසර දෙකක සිර දඬුවමක් නියම වූ අතර, ඉන් වසරක් විද්යුත් ටැගයක් (Electronic tag) පැළඳ නිවාස අඩස්සියේ පසුවිය යුතුය. අනෙක් වසර අත්හිටවූ සිර දඬුවමක් ලෙස ක්රියාත්මක වේ.
ඔහුගේ සහකරු වන ඩේමියන් ජී. (Damien G.) හටද වසර දෙකක සිර දඬුවමක් නියම වූ අතර, මොවුන් දෙදෙනා සොරකම් කරන ලද භාණ්ඩ Vinted සහ Facebook වැනි සමාජ මාධ්ය හරහා අලෙවි කර තිබේ. මෙම ජාලය හරහා ඔවුන් යුරෝ 15,000 ක පමණ ලාභයක් උපයා ඇති බව අධිකරණයේදී අනාවරණය විය.
මෙම සොරකම් කරන ලද භාණ්ඩ මිලදී ගත් බවට චෝදනා ලැබූ ලූවර් (Louvre) කෞතුකාගාරයේ සේවකයෙකුට සහ තවත් පුද්ගලයෙකුට ද මාස කිහිපයක අත්හිටවූ සිර දඬුවම් සහ දඩ නියම විය.
හිටපු භාරකරුට යුරෝ 10,000 ක දඩයක් නියම කර ඇති අතර, නැවත කිසි දිනෙක එවැනි වගකිවයුතු තනතුරක සේවය කිරීම හෝ වෙන්දේසි ආයතන වෙත ඇතුළු වීම අධිකරණය විසින් තහනම් කර තිබේ.
