එක්සත් අරාබි එමීර් රාජ්යයේ ජාතික ගුවන් සේවය වන එමිරේට්ස් (Emirates), සිය ඉකොනොමි පන්තියේ (Economy Class) ගුවන් මගීන් සඳහා ලබාදෙන සේවාවන් සහ පහසුකම් තවදුරටත් උසස් කිරීම වෙනුවෙන් දැවැන්ත යාවත්කාලීන කිරීම් මාලාවක් ප්රකාශයට පත් කර තිබේ.
ගෝලීය ගුවන් සේවා ක්ෂේත්රයේ පවතින තරගකාරීත්වය හමුවේ, ගුවන් ගමන අතරතුර මගීන්ට උපරිම පහසුව, නවීන තාක්ෂණික පහසුකම් සහ උසස්ම මට්ටමේ අත්දැකීමක් ලබාදීම මෙම නව පියවරේ ප්රධාන අරමුණයි.
මෙම නව යාවත්කාලීන කිරීම් යටතේ විශේෂයෙන්ම ඩිජිටල් සන්නිවේදන පහසුකම් පුළුල් කිරීමට එමිරේට්ස් සමාගම පියවර ගෙන තිබේ. ඒ අනුව, Emirates Skywards සාමාජිකත්වය දරන සියලුම ඉකොනොමි පන්තියේ මගීන්ට ගුවන් ගමන අතරතුර WhatsApp සහ Messenger ඇතුළු ප්රමුඛ පෙළේ පණිවිඩ හුවමාරු යෙදවුම් භාවිතය සඳහා නොමිලේ Wi-Fi පහසුකම් හිමිවනු ඇත.
මීට අමතරව, HD තිර ඔස්සේ සජීවී නාලිකා, චිත්රපට, රූපවාහිනී වැඩසටහන් සහ සංගීතය අත්විඳිය හැකි එමිරේට්ස් හි සම්මානනීය ‘ICE’ විනෝදාස්වාද පද්ධතිය ද නවතම අන්තර්ගතයන්ගෙන් සමන්විතව යාවත්කාලීන කර ඇත. ගුවන් යානා අභ්යන්තරයේ සපපහසුව ඉහළ නැංවීම සඳහා Airbus A380 සහ Boeing 777 ගුවන් යානාවල ඉකොනොමි පන්තියේ අසුන් නවීකරණය කර ඇති අතර, මගීන්ට පෙර තමන්ට අවශ්ය ආහාර වේල කල්තියා තේරීමේ පහසුකම සහ පරිසර හිතකාමී සංචාරක පහසුකම් කට්ටල (Amenity kits) ද හඳුන්වා දී තිබේ.
