වතු ආශ්රිත ප්රජාව සඳහා පර්චස් 10ක ඉඩම් කැබැල්ලක් සමඟ නිවසක් ලබාදීම රජයේ ස්ථාවර ප්රතිපත්තිය බව අග්රාමාත්ය ආචාර්ය හරිනි අමරසූරිය මහත්මිය පාර්ලිමේන්තුවේදී ප්රකාශ කර තිබේ. පාර්ලිමේන්තු මන්ත්රී මනෝ ගනේෂන් මහතා යොමු කළ ප්රශ්නවලට පිළිතුරු ලබා දෙමින් අග්රාමාත්යවරිය මේ බව සඳහන් කළාය.
දැනට ක්රියාත්මක නිවාස වැඩසටහන් යටතේ අඩක් නිම කර ඇති නිවාස 962කින් නිවාස 629ක් දැනටමත් ප්රතිලාභීන්ට භාර දී ඇති අතර, තවත් නිවාස 333ක් භාරදීමට නියමිතය. මීට අමතරව, ඉන්දීය ප්රදාන යටතේ ක්රියාත්මක 10,000 නිවාස වැඩසටහනේ සිව්වන අදියර යටතේ නිවාස ඒකක 522ක ඉදිකිරීම් අවසන් කර ඇති අතර, තවත් නිවාස 2,529ක් ඉදිකිරීම සඳහා මූලික කටයුතු සිදු කෙරෙමින් පවතී. වතුකරය සඳහා වූ නව ගම්මාන සංවර්ධන අධිකාරිය (NEVIDA) වෙනුවෙන් 2025 සහ 2026 වර්ෂ සඳහා පිළිවෙළින් රුපියල් මිලියන 42.5ක සහ මිලියන 85ක ප්රතිපාදන වෙන් කර ඇති බවද අග්රාමාත්යවරිය වැඩිදුරටත් පැවසුවාය.
