ඉතියෝපියාවේ පාර්ලිමේන්තු සහ ප්රාදේශීය මැතිවරණය ලබන සඳුදා පැවැත්වීමට නියමිත අතර, රටේ බොහෝ ප්රදේශවල පවතින නොසන්සුන්කාරී වාතාවරණය නොතකා අග්රාමාත්ය අබි අහමඩ්ගේ ‘සෞභාග්ය පක්ෂය’ (Prosperity Party) මෙවරත් මැතිවරණයේ වැඩි බලයක් ලබාගනු ඇතැයි අපේක්ෂා කෙරේ.
2018 වසරේදී බලයට පත් වූ 49 හැවිරිදි අග්රාමාත්ය අබි අහමඩ්, 2021 මැතිවරණයේදී ආසන 484කින් 410ක් දිනා ගනිමින් අති විශාල ජයග්රහණයක් අත්කර ගත්තේය. කෙසේ වෙතත්, ඔහුගේ පාලන සමය තුළ රටේ ප්රධාන ජනවාර්ගික කලාප වන ඔරොමියා සහ අම්හාරා වැනි ප්රදේශවලින් වසර ගණනාවක් පුරා වාර්තා වූ ප්රචණ්ඩ ක්රියා සහ නොසන්සුන්තාවන් ඔහුගේ පාලනයට අභියෝගයක් වී තිබේ. විශේෂයෙන්ම අම්හාරා කලාපයේ ‘ෆානෝ’ (Fano) නම් සන්නද්ධ කණ්ඩායම 2023 වසරේ සිට ග්රාමීය ප්රදේශ රැසක පාලනය සියතට ගෙන ඇතමීට අමතරව, 2020-2022 කාලයේ ටිග්රේ (Tigray) කලාපයේ පැවති සිවිල් යුද්ධයෙන් ලක්ෂ ගණනක් මියගිය අතර, 2022 වසරේ ඇති වූ සාම ගිවිසුමෙන් පසුවත් එම කලාපයේ දේශපාලන පරිපාලනය සම්බන්ධයෙන් මතුව ඇති නව ගැටුම් හේතුවෙන් නැවතත් නොසන්සුන්කාරී තත්ත්වයක් ඇතිවීමේ අවදානමක් පවතින බව විචාරකයෝ අනතුරු අඟවති. විපක්ෂයේ බෙදීම් සහ දුර්වලතා මධ්යයේ අබි අහමඩ්ගේ පක්ෂය ජයග්රහණය කිරීමට සූදානම් වුවද, රටේ පවතින ආරක්ෂක සහ නිදහස පිළිබඳ ගැටලු වත්මන් පාලනයට එල්ල වන ප්රබල විවේචන ලෙස පවතී.
