කොළඹ වරාය පරිශ්රයෙන් කිසිදු භෞතික පරීක්ෂාවකට ලක් කිරීමකින් තොරව රහසිගතව බහාලුම් 323ක් මුදා හැරීම තුළින් සිදු වූ බව කියන මහා පරිමාණ මූල්ය අවභාවිතය පිළිබඳව සොයා බැලීමට පත් කළ පාර්ලිමේන්තු විශේෂ කාරක සභාවේ තීරණාත්මක රැස්වීමක් හදිසියේම කල් දමා ඇති බව වාර්තා වේ.
මෙම අතිශය වැදගත් සිද්ධිය සම්බන්ධයෙන් පත් කරන ලද පාර්ලිමේන්තු විශේෂ කාරක සභාවේ මීළඟ රැස්වීම ඊයේ දිනයේදී පැවැත්වීමට නියමිතව තිබුණ ද, නොදන්නා හේතුවක් මත එය මෙලෙස කල් දමා තිබේ.
මෙම සිද්ධිය ජාතික ආර්ථිකයට සහ වරාය පද්ධතියේ විශ්වාසනීයත්වයට බලපාන බරපතල අක්රමිකතාවක් ලෙස සැලකෙන බැවින්, විමර්ශන කටයුතු ප්රමාද වීම සම්බන්ධයෙන් මේ වන විටත් විවිධ පාර්ශ්වයන්ගේ දැඩි අවධානය යොමුව තිබේ. අදාළ බහාලුම්වල අන්තර්ගතය සහ ඒවා මුදා හැරීමට වගකිව යුතු පාර්ශ්වයන් පිළිබඳව සත්ය කරුණු හෙළිදරව් කර ගැනීම මෙම කාරක සභාවේ ප්රධාන වගකීම වී ඇත.
