ඉරාන යුද්ධය හේතුවෙන් ගෝලීය බලශක්ති වෙළඳපොළට එල්ල වී ඇති බලපෑම් සීමා කිරීමේ අරමුණින්, යුරෝපා සංගමයේ බලශක්ති අමාත්යවරුන් දේශීය ස්වාභාවික වායු නිෂ්පාදනය පිළිබඳව සාකච්ඡා කිරීමට පියවර ගෙන තිබේ. මීට පෙර යුරෝපා සංගමයේ ප්රතිපත්ති සම්පාදකයින්ගේ වැඩි අවධානය යොමු වී තිබුණේ පිරිසිදු බලශක්තිය කෙරෙහි වුවද, පවතින අර්බුදය හමුවේ මෙම තීරණය ගෙන ඇත.
යුරෝපා සංගමය තම බලශක්ති අවශ්යතාවලින් 80%ක් පමණ ආනයනය මත රඳා පවතින අතර, මැදපෙරදිග ගැටුම හේතුවෙන් එම මිල ගණන් විශාල ලෙස ඉහළ ගොස් තිබේ. එම නිසා දේශීය සම්පත් උපයෝගී කරගනිමින් මෙම මිල උච්චාවචනයන් පාලනය කරගන්නේ කෙසේද යන්න පිළිබඳව අමාත්යවරුන්ගේ අවධානය යොමුව ඇත.
නව ගවේෂණ සඳහා ආයෝජන අඩුවීම සහ නෙදර්ලන්තයේ ග්රොනින්ගන් ගෑස් ක්ෂේත්රය වසා දැමීම හේතුවෙන් පසුගිය දශකය තුළ යුරෝපා සංගමයේ දේශීය ගෑස් නිෂ්පාදනය අඩකින් පමණ අඩු වී ඇත. කෙසේ වෙතත්, යුරෝපා සංගමය තුළ වැඩිම වාණිජමය වශයෙන් ලබාගත හැකි ගෑස් සංචිත හිමි රුමේනියාව සහ සයිප්රසය යන රටවල් තම දේශීය නිෂ්පාදනය වැඩි කිරීමට සැලසුම් කරමින් සිටී.
එක් එක් රටවල බලශක්ති සම්පත් තීරණය කිරීමේ බලය ඇත්තේ අදාළ රටවලට මිස යුරෝපා සංගමයට නොවන අතර, එම ක්රියාමාර්ග මගින් දිගුකාලීන දේශගුණික ඉලක්කවලට හානියක් නොවන පරිදි කටයුතු කිරීමේ වැදගත්කමද සයිප්රසය විසින් නිකුත් කළ ලියවිල්ලක සඳහන් වේ.
