දශක ගණනාවක පැවති දෙගිඩියාවෙන් පසුව යුරෝපා සංගමය නැවතත් න්යෂ්ටික බලශක්තිය දෙසට යොමුවෙමින් සිටින බව වාර්තා වේ. බලශක්ති අර්බුදය හමුවේ ඇති වූ දැඩි කම්පනය සහ බර කර්මාන්ත පවත්වාගෙන යාමට පුනර්ජනනීය බලශක්තිය පමණක් ප්රමාණවත් නොවන බව වටහා ගැනීම මෙම තීරණයට ප්රධාන හේතුව වී තිබේ. ගෝලීය බලශක්ති සැපයුමට එල්ල වූ බරපතලම බාධාව වන්නේ හෝමූස් සමුද්ර සන්ධිය වැසී යාම වන අතර ජාත්යන්තර බලශක්ති ඒජන්සිය අනතුරු අඟවන පරිදි මෙලෙස දිනකට බොරතෙල් බැරල් මිලියන 13ක පමණ සැපයුමක් ලෝකයට අහිමි වෙමින් පවතී.
ඉරාන යුද්ධය ආරම්භ වී ගෙවුණු මුල් දින 17 තුළ පමණක් ඉහළ ගිය ඉන්ධන මිල හේතුවෙන් පොසිල ඉන්ධන ආනයනය සඳහා යුරෝපා සංගමයට අමතරව යුරෝ බිලියන 6ක මුදලක් වැය කිරීමට සිදුවී තිබේ. හුදෙක් පරිසර හිතකාමී වීම පමණක් නොව රටක ජාතික ආරක්ෂාව සහ ආර්ථික ස්ථාවරත්වය සඳහා ස්ථාවර බලශක්ති ප්රභවයක අවශ්යතාව මෙම අර්බුදය හරහා යළි තහවුරු වී ඇත. මෙම තත්ත්වය හමුවේ යුරෝපීය රටවල් සිය බලශක්ති මිශ්රණය ප්රතිසංස්කරණය කරමින් සිටින අතර ඉදිරි දශක කිහිපය තුළ න්යෂ්ටික බලශක්තියේ භූමිකාව තීරණාත්මක වනු ඇතැයි විදේශීය මාධ්ය වාර්තා පෙන්වා දෙයි.
