සියලුම ජේෂ්ඨ පුරවැසියන් සඳහා කොරෝනා වෛරසය හේතුවෙන් ලබාදෙන Oxford-AstraZeneca එන්නත පෙබරවාරි 27 වන සෙනසුරාදා දින සිට දින 14 ක් ඇතුළත සියලු ජේෂ්ඨ පුරවැසියන් සඳහා එන්නත් කර අවසන් කිරීමට කොළඹ මහ නගර සභාවේ ජන සෞඛ්ය දෙපාර්තමේන්තුව විසින් අවශ්ය සියලුම කටයුතු සූදානම් කර ඇති බව කොළඹ පුරපතිනි රෝසි සේනානායක මහත්මිය පවසයි.
අවුරුදු 60ට වැඩි සියලු දෙනා තම කොට්ටාශයේ නාගරික මන්ත්රීවරුන් සහ මහජන සෞඛ්යය පරීක්ෂක නිලධාරීන් ( P.H.I ) වෙත තමන්ගේ නම ලබා දී හැකි ඉක්මනින් ලියාපදිංචි වන ලෙස ඇය පැවසිය.
කොළඹ නාගරික බල ප්රදේශයේ ජේෂ්ඨ පුරවැසියන් සඳහා නොපමාව Oxford-AstraZeneca එන්නත ලබාදීමට කටයුතු කිරීම පිළිබඳව ජනාධිපති ගෝඨාභය රාජපක්ෂ මහතාට,සෞඛ්ය අමාත්ය සුදර්ශනී ප්රනාන්දුපුල්ලේ මහත්මියට සහ සෞඛ්ය අමාත්යාංශයේ Covid 19 මර්දන ඒකකයට ද ඇයගේ ස්තුතිය පුද කරන බවද තවදුරටත් පවසා සිටියාය.
