ඉන්දියාවේ තිරසාර විලාසිතා, අත්කම් උරුමය සහ ජීවන රටා අත්දැකීම ශ්රී ලාංකික පාරිභෝගිකයින් වෙත තිළිණ කළ “Fabindia Sri Lanka” ආයතනය සිය පළමු සංවත්සරය සමරයි.
ස්වදේශී කර්මාන්තායතනයේ (The Swadeshi Industrial Works PLC) සහායකත්වයෙන් කොළඹ හැව්ලොක් සිටි මෝල් (Havelock City Mall) හි විවෘත කරන ලද මෙම ප්රදර්ශනාගාරය, පසුගිය වසර තුළ සංස්කෘතිය, උසස් ප්රමිතිය සහ ස්වාභාවික රෙදිපිළි අගයන පාරිභෝගිකයින්ගේ ඉහළම ආකර්ෂණය දිනා ගැනීමට සමත් වී ඇත. අත්කම් ශිල්පීන් බලගැන්වීම සහ තිරසාර ජීවන රටාවක් ප්රවර්ධනය කිරීම අරමුණු කරගත් Fabindia, පාරම්පරික උරුමය නූතන විලාසිතා ශෛලීන් සමඟ සංකලනය කරමින් ගෘහ අලංකරණ භාණ්ඩ සහ විලාසිතා නිෂ්පාදන රැසක් පාරිභෝගිකයින් වෙත ලබා දෙයි.
මෙම පළමු සංවත්සරය වෙනුවෙන් පාරිභෝගිකයින් වෙත විශේෂ වට්ටම්, පිරිනැමීම් සහ සුවිශේෂී නිෂ්පාදන එකතු රැසක් හඳුන්වා දී ඇති අතර, ඉදිරියටත් තිරසාර ජීවන රටාවන් ප්රවර්ධනය කරමින් ශ්රී ලංකාව තුළ තම සබඳතා තවදුරටත් ශක්තිමත් කර ගැනීමට එම ආයතනය අපේක්ෂා කරයි.
