Facebook වෙබ් අඩවිය හරහා සිය ගිණුම් වෙත පිවිසීමට උත්සාහ කරන පරිශීලකයින් රැසකට මේ වන විට බාධා එල්ල වී ඇති බව වාර්තා වේ. විශේෂයෙන්ම Desktop සහ Web Browser භාවිතයෙන් ලොග් වීමට උත්සාහ කරන පරිශීලකයින්ට “Account Temporarily Unavailable” යන පණිවිඩය දර්ශනය වන බව සඳහන් වේ.
අදාළ පණිවිඩය මගින් Facebook ආයතනය වැඩිදුරටත් දැනුම් දෙන්නේ, “Your account is currently unavailable due to a site issue. We expect this to be resolved shortly” ලෙසයි. මේ හරහා පෙනී යන්නේ මෙය අඩවියේ පවතින අභ්යන්තර තාක්ෂණික දෝෂයක් හේතුවෙන් සිදුවූවක් බවයි. කෙසේ වෙතත්, Facebook ජංගම යෙදුම (Mobile App) භාවිතා කරන පරිශීලකයින්ට කිසිදු බාධාවකින් තොරව සේවාව භාවිතා කිරීමට හැකි වීම කැපී පෙනේ.
Downdetector වැනි සේවා නිරීක්ෂණ වේදිකාවල ද මෙම ගැටලුව සම්බන්ධයෙන් වාර්තා විශාල ලෙස ඉහළ ගොස් ඇති අතර, ලොව පුරා පරිශීලකයින් සිය අපහසුතාවයන් සමාජ මාධ්ය හරහා පල කරමින් සිටී. Meta සමාගමෙන් මෙතෙක් නිල පැහැදිලි කිරීමක් නිකුත් කර නොමැති වුවත්, පවතින ගැටලුව ඉක්මනින් නිරාකරණය වනු ඇතැයි අපේක්ෂා කෙරේ.
