මහජන සෞඛ්ය පරීක්ෂකවරුන්ට (PHI) සමාන නිල ඇඳුමින් සැරසී වෙළෙඳසැල් පරීක්ෂා කර, එහි ඇති අඩුපාඩු පෙන්වා නඩු පවරන බවට බියගන්වා වෙළෙඳසැල් හිමියන්ගෙන් මුදල් කප්පම් ගත් සංවිධානාත්මක කණ්ඩායමක් පිළිබඳව පොලිසියට පැමිණිලි ලැබී තිබේ.
මෙම වංචනික පිරිස අනුරාධපුර, එප්පාවල, තලාව සහ තඹුත්තේගම වැනි ප්රදේශවල වෙළෙඳසැල් ඉලක්ක කරගනිමින් කාලයක සිට මෙම ජාවාරමේ නිරතවී ඇත.
වෙළෙඳසැල්වල සවිකර තිබූ CCTV දර්ශන ඔස්සේ පොලිසිය සිදුකළ පුළුල් විමර්ශනවලදී අනාවරණය වී ඇත්තේ, රෝහල් තුළ මැලේරියා මදුරු නිවාරණ අංශයේ සේවකයින් සඳහා ලබා දී ඇති (මහජන සෞඛ්ය පරීක්ෂකවරුන්ගේ නිල ඇඳුමට බෙහෙවින් සමාන) නිල ඇඳුම් භාවිත කරමින් මොවුන් මෙම ජාවාරම සිදුකර ඇති බවයි. සැකකරුවන් අත්අඩංගුවට ගැනීම සඳහා පොලිසිය වැඩිදුර විමර්ශන ක්රියාත්මක කරයි.
