වැල්ලවාය – මොනරාගල ප්රධාන මාර්ගයේ බුත්තල, උනාවටුන ප්රදේශයේදී අද (15) අලුයම සිදුවූ දරුණු රිය අනතුරකින් එකම පවුලේ පියෙකු මියගොස් බිරිඳ සහ දරුවන් දෙදෙනා බරපතල තුවාල ලබා තිබේ. අම්පාර ප්රදේශයේ සිට කොළඹ බලා ගමන් කරමින් තිබූ ත්රිරෝද රථයක් වෑන් රථයක ගැටීමෙන් මෙම අනතුර සිදුවී ඇති බව වාර්තා වේ.
අනතුරින් මියගොස් ඇත්තේ ත්රිරෝද රථය පදවාගෙන ආ අම්පාර ප්රදේශයේ පදිංචි නිශාන්ත දේවප්රිය බණ්ඩාර නැමති අයෙකි. තුවාල ලැබූ ඔහුගේ බිරිඳ සහ දරුවන් දෙදෙනා මේ වන විට බුත්තල ප්රාදේශීය රෝහලේ ප්රතිකාර ලබන බව පොලිසිය සඳහන් කරයි. අලුත් අවුරුදු නිවාඩුව නිමවී යළි කොළඹ බලා එන ජනතාව ඉහළ ගොස් ඇති පසුබිමක, මාර්ග අනතුරු අවම කර ගැනීමට දැඩි අවධානයෙන් රිය පදවන ලෙස බලධාරීන් ජනතාවගෙන් ඉල්ලා සිටියි. සිද්ධිය සම්බන්ධයෙන් බුත්තල පොලිසිය වැඩිදුර විමර්ශන පවත්වයි.
