චීනයේ Huawei සමාගමේ අනුබද්ධිත HiSilicon සමාගම නිෂ්පාදනය කළ නිරීක්ෂණ චිප් ඇතුළත් උපාංග දෙකක් ඇමෙරිකානු වෙළෙඳපොළට ඇතුළුවීම අවහිර කිරීමට එරට ෆෙඩරල් සන්නිවේදන කොමිසම (FCC) පියවර ගෙන තිබේ.
Reuters වාර්තාවට අනුව, තහනමට ලක්ව ඇත්තේ ඩෑෂ් කැමරාවක් සහ රැහැන් රහිත වීඩියෝ සම්ප්‍රේෂකයකි. මෙම පියවර සඳහා FCC නව නීති යටතේ තම බලතල භාවිත කළ පළමු අවස්ථාව මෙය බව ද වාර්තාව සඳහන් කරයි.
FCC පවසන්නේ HiSilicon සමාගම සිය චිප් නිරීක්ෂණ වෙළෙඳපොළ සඳහා නිර්මාණය කර ඇති බවත්, මිනිස් මුහුණු හඳුනාගැනීමේ ඇල්ගොරිතම ඇතුළත් බවත් ප්‍රචාරය කරන බවයි.
මෙම පියවර ඇමෙරිකාවේ ජාතික ආරක්ෂාව සම්බන්ධයෙන් චීන තාක්ෂණික උපාංග පිළිබඳ පවතින නියාමන සීමා තවදුරටත් දැඩි කිරීමේ පුළුල් ක්‍රියාමාර්ග මාලාවක කොටසකි.
