2026 ෆිෆා (FIFA) ලෝක කුසලාන පාපන්දු තරගාවලියේ අවසන් මහා තරගය පැවැත්වෙන නිව් යෝර්ක් නිව් ජර්සි ක්රීඩාංගණයේ තණතිල්ලේ සැබෑ කොටසක් සිහිවටනයක් ලෙස මිලදී ගැනීමේ අවස්ථාව ෆිෆා ආයතනය විසින් රසිකයින්ට ලබා දී තිබේ.
“FIFA World Cup 2026 Piece of the Pitch – Foundation Edition” ලෙස නම් කර ඇති මෙම සීමිත සංස්කරණයේ එක් සිහිවටනයක මිල ඇමරිකානු ඩොලර් 450 කි.
මෙම සිහිවටනයට අදාළ විශේෂාංග පහත දැක්වේ:
එය අවසන් මහා තරගය පැවැත්වෙන තණතිල්ලෙන් ලබාගත් සැබෑ කොටසකින් සමන්විත වන අතර, එය උසස් තත්ත්වයේ ඇක්රිලික් ප්රදර්ශන කුටියක (acrylic display) අසුරා ඇත.
ප්රදර්ශන කුටිය තුළ අන්තර්ගත USB මතක උපාංගයක තරගාවලියට අදාළ සත්යතා සහතිකයක් (authenticity film) ඇතුළත් කර තිබේ.
මෙය ඉතා ආකර්ෂණීය ලෙස නිමවා ඇති අතර, පාපන්දු ලෝලීන් සහ එකතු කරන්නන් ඉලක්ක කරමින් මෙම නිෂ්පාදනය වෙළෙඳපොළට නිකුත් කර ඇත.
මෙම සිහිවටනය 17.5 සෙ.මී. × 17.5 සෙ.මී. ප්රමාණයෙන් යුක්ත වේ. ෆිෆා වෙළඳසැලට අනුව, මෙම ඇණවුම් ලෝක කුසලාන අවසන් මහා තරගයෙන් පසුව පමණක් බෙදාහරිනු ලබන අතර, දැනට එය ඇමරිකා එක්සත් ජනපදය, එක්සත් රාජධානිය සහ යුරෝපයේ සිටින පාරිභෝගිකයින් සඳහා පමණක් ලබා ගත හැක.
