මාතලේ දිස්ත්‍රික් ලේකම් තේජානි තිලකරත්න මහත්මියගේ උපදෙස් පරිදි දිස්ත්‍රික් ආපදාකලමණාකරණ මධ්‍යස්ථානයේ ප්‍රතිපාදන යටතේ දිසා ලේකම් කාර්යාලයේ නිලධාරීන් 60 දෙනෙකු සඳහා දෙදින ප්‍රථමාධාර පුහුණු වැඩසටහනක් පැවැත්විණි.
ශාන්ත ජෝන් ගිලන් රථ සේවයේ මාතලේ දිස්ත්‍රික් කාර්යාලයේ සම්පත් දායකත්වයෙන් පැවැත් වූ මෙම දෙදින පුහුණු වැඩ සටහනින් අනතුරුව පැවැති විභාගය සමත් වූ 57 දෙනෙකු සඳහා ජාත්‍යන්තර වශයෙන් පිළිගැනෙන සහතිකයක් ප්‍රදානය කරන ලදි.
පුහුණුව ලත් නිලධාරීන් සදහා සහතික පිරිනැමීමේ අවස්ථාවට මාතලේ දිස්ත්‍රික් ආපදා කලමණාකරණ සහකාර අධ්‍යක්ෂ චමින්ද අමරවීර, ශාන්තජෝන් ගිලන් රථ සේවාවේ සහකාර කොමසාරිස් සහ සහකාර අධ්‍යපන අධ්‍යක්ෂ ජී.ආර්.එම්.ජී.එම් බී. ගොඩමුන්නේ මහත්වරුන් ඇතුළු පිරිසක් එක්ව සිටියහ.
මාතලේ මහේෂ් කිර්තිරත්න
