ශ්රී ලංකාවේ ප්රාග්ධන වෙළඳපොළ ක්ෂේත්රයේ ඉදිරියෙන්ම සිටින First Capital Holdings PLC සමාගම, සිය වැඩිදියුණු කළ මීගමුව ශාඛාව නවීන පහසුකම් රැසක් සහිතව පසුගියදා නිල වශයෙන් විවෘත කර තිබේ. පාරිභෝගිකයන් වෙත උපරිම පහසුව සහ උසස් සේවාවක් සැලසීමේ අරමුණින් මෙම ශාඛාව වඩාත් ඉඩකඩ සහිත පරිශ්රයක මෙලෙස නවීකරණය කිරීමට පියවර ගෙන ඇත.
මෙම පහසුකම් වැඩිදියුණු කිරීමට අමතරව, පාරිභෝගිකයන්ට නිවැරදි මූල්ය කළමනාකරණය සඳහා මඟපෙන්වීම සහ ඔවුන්ගේ මූල්ය යහපැවැත්ම තහවුරු කිරීමේ මෙහෙවර තවදුරටත් පුළුල් කිරීම උදෙසා මීගමුව ශාඛාවේ කාර්ය මණ්ඩලය වැඩි කිරීමටද සමාගම කටයුතු කර තිබේ. ඒ ඔස්සේ ප්රදේශයේ පාරිභෝගිකයන් වෙත වඩාත් කාර්යක්ෂම හා ඵලදායී මූල්ය උපදේශන සේවාවන් සමුදායක් සමීප කරවීමට අපේක්ෂා කෙරේ.
JXG (ජනශක්ති සමූහ ව්යාපාරය) හි අනුබද්ධ ආයතනයක් වන First Capital Holdings PLC සමාගමේ ශාඛා ජාලය අතුරින් මීගමුව ශාඛාව යනු ඉහළම කාර්යසාධනයක් වර්තා කර ඇති ප්රධානතම ශාඛාවකි. සිය පාරිභෝගිකයන්ට වඩාත් තෘප්තිමත් හා විශිෂ්ට සේවා අත්දැකීමක් ලබාදීමේ අරමුණින් සමාගම දිගින් දිගටම මෙවැනි ආයෝජනයන් සිදුකරමින් සිටින අතර, එය රටේ ප්රාග්ධන වෙළඳපොළ ක්ෂේත්රයේ සංවර්ධනයටද සක්රීය දායකත්වයක් සපයයි.
