පරිසරයට දැඩි හානි පමුණුවන පතුල සූරා යන ට්රෝලර් (Bottom Trawling) මසුන් ඇල්ලීමේ ක්රමය තමිල්නාඩු ප්රාන්තය තුළ තහනම් කරන ලෙස ශ්රී ලංකා ධීවර අමාත්ය රාමලිංගම් චන්ද්රසේකර් මහතා තමිල්නාඩු මහ ඇමති සී. ජෝසප් විජේ මහතාගෙන් ඉල්ලීමක් කර තිබේ. ශ්රී ලංකාව තුළ මෙම මසුන් ඇල්ලීමේ ක්රමය 2017 වසරේ සිටම තහනම් කර ඇති බව පෙන්වා දෙන අමාත්යවරයා, උතුරු මුහුදේ පවතින ධීවර ගැටලුව රාජ්යතාන්ත්රික මට්ටමින් විසඳා ගැනීමට ඇති කැමැත්ත ද ප්රකාශ කර ඇත.
කිලිනොච්චියේ පැවති මාධ්ය හමුවකදී අදහස් දැක්වූ අමාත්යවරයා සඳහන් කළේ පෝක් සමුද්ර සන්ධියේ පවතින මෙම දීර්ඝකාලීන ගැටලුව ශ්රී ලංකාවේ මෙන්ම තමිල්නාඩුවේ දමිළ ධීවරයින්ට ද බලපාන බවයි. මෙම අර්බුදය සම්බන්ධයෙන් සාකච්ඡා කිරීම සඳහා තමිල්නාඩුවේ අභිනව මහ ඇමතිවරයා හමුවීමට එහි සංචාරය කිරීමට ද තමන් බලාපොරොත්තු වන බව ඔහු වැඩිදුරටත් ප්රකාශ කර සිටියේය.
