විදෙස් ඉන්ධන බෙදාහැරීමේ සමාගම් විසින් මෙරටට නිකුත් කරනු ලබන ඉන්ධන ප්රමාණය සීමා කිරීම හේතුවෙන් සාමාන්ය මහජනතාව පමණක් නොව දිවයින පුරා පිහිටි ඉන්ධනහල් රැසක් ද අතිශය අසීරු හා අර්බුදකාරී තත්ත්වයකට මුහුණ දී සිටින බව ඉන්ධනහල් හිමියන්ගේ සංගමයේ සභාපති කුමාර රාජපක්ෂ මහතා පවසයි. පවතින ගැටලුව සම්බන්ධයෙන් දැනුවත් කිරීම සඳහා කැඳවන ලද විශේෂ මාධ්ය හමුවක් අමතමින් හෙතෙම මෙම අදහස් පළ කළේය.
සෑම ඉන්ධනහලක්ම සාමාන්ය පරිදි පවත්වාගෙන යාම සඳහා විශාල මාසික පිරිවැයක් දැරීමට සිදුවන බව පෙන්වා දුන් සභාපතිවරයා, අවශ්ය පරිදි ඉන්ධන තොග නොලැබීම නිසා පිරවුම්හල් පවත්වාගෙන යාම දැඩි අභියෝගයක් වී ඇති බව සඳහන් කළේය. තත්ත්වය මෙලෙස දිගින් දිගටම පැවතීම නිසා ඉන්ධනහල්වල සේවය කරන සේවකයින්ට නියමිත වේලාවට වැටුප් ගෙවා ගැනීමට පවා නොහැකි අසීරු තත්ත්වයක් උද්ගත වී ඇති බැවින්, බලධාරීන් වහාම මැදිහත් වී මෙම ගැටලුවට කඩිනම් විසඳුමක් ලබා දෙන ලෙස හෙතෙම රජයෙන් ඉල්ලා සිටියේය.
රට තුළ ක්රමයෙන් ස්ථාවර වෙමින් පවතින ආර්ථික ක්රියාවලියට සහ සාමාන්ය ජනජීවිතයට සෘජුවම බලපාන මෙම ඉන්ධන සැපයුම් අර්බුදය කඩිනමින් විසඳීම බලශක්ති ක්ෂේත්රයේ පැවැත්ම වෙනුවෙන් ඉතා තීරණාත්මක වන බව ආර්ථික විචාරකයෝ පෙන්වා දෙති.
