විදේශ කටයුතු අමාත්යාංශයේ විද්යුත් ලේඛන සහතික කිරීමේ පද්ධතියේ (e-DAS) ඇති වූ හදිසි තාක්ෂණික දෝෂයක් හේතුවෙන්, ලේඛන සහතික කිරීමේ සියලුම සේවාවන් නැවත දැනුම් දෙන තුරු තාවකාලිකව අත්හිටුවා ඇති බව එම අමාත්යාංශය නිවේදනය කරයි.
මේ හේතුවෙන් බත්තරමුල්ලේ පිහිටි කොන්සියුලර් කටයුතු අංශයේ ප්රධාන කාර්යාලය මෙන්ම යාපනය, ත්රිකුණාමලය, මහනුවර, මාතර සහ කුරුණෑගල යන ප්රාදේශීය කොන්සියුලර් කාර්යාලවල ද ලේඛන සහතික කිරීමේ සේවාවන් තාවකාලිකව නතර වී තිබේ. අදාළ තාක්ෂණික සේවා සපයන්නන් සමඟ සම්බන්ධ වී e-DAS පද්ධතිය හැකි ඉක්මනින් යථා තත්ත්වයට පත් කර සාමාන්ය සේවා කටයුතු ආරම්භ කිරීමට අවශ්ය පියවර ගනිමින් සිටින බව ද අමාත්යාංශය සඳහන් කරයි.
දැනටමත් මාර්ගගතව (Online) වේලාවන් වෙන්කරගෙන ඇති අයදුම්කරුවන්ට, ඉදිරි යාවත්කාලීන කිරීම් සහ නවතම දැනුම්දීම් සඳහා ‘e-Channeling’ පද්ධතිය කෙරෙහි අවධානයෙන් සිටින ලෙස දන්වා සිටී. පද්ධතිය යථා තත්ත්වයට පත් වූ වහාම ඒ පිළිබඳව මහජනතාව දැනුවත් කරන බව පවසන කොන්සියුලර් කටයුතු අංශය, මෙම හදිසි බිඳ වැටීම හේතුවෙන් මහජනතාවට සිදුවන අපහසුතාව පිළිබඳව සිය කණගාටුව පළ කර සිටියි.
