හිටපු ජනාධිපති මහින්ද රාජපක්ෂ මහතා අල්ලස් හෝ දූෂණ චෝදනා විමර්ශන කොමිසම හමුවට කැඳවීම, තමන්ට ලැබුණු ජනවරම අනුව නීතියේ ආධිපත්යය තහවුරු කිරීමේ පියවරක් බව ජාතික ජන බලවේගයේ විධායක සභික එරංග ගුණසේකර මහතා පවසයි. 2013 වසරේ ශ්රීලන්කන් ගුවන් සමාගමට එයාර්බස් යානා මිලදී ගැනීමේදී සිදුවූ බව කියන ඩොලර් මිලියන 02ක අල්ලස් ගනුදෙනුවක් සම්බන්ධයෙන් ප්රකාශයක් ලබා ගැනීමට අද (12) උදෑසන කොමිසම හමුවේ පෙනී සිටින ලෙස හිටපු ජනාධිපතිවරයාට දන්වා තිබුණි.
මෙම ගනුදෙනුවෙන් රුපියල් මිලියන 60ක් එවකට ජනාධිපතිවරයාට ලබාදුන් බවට සමාගමේ හිටපු ප්රධාන විධායක නිලධාරී කපිල චන්ද්රසේන මහතා මීට පෙර සිදුකළ ප්රකාශයක් පදනම් කරගනිමින් මෙම විමර්ශන ක්රියාත්මක වේ. තමන් නීතියට ගරු කරමින් කොමිසම හමුවේ පෙනී සිටින බව හිටපු ජනාධිපතිවරයා ප්රකාශ කර ඇති අතර, ඔහුගේ පාර්ශ්වය අවධාරණය කරන්නේ මෙය දේශපාලන පළිගැනීමක් බවයි. කෙසේ වෙතත්, දූෂණයට එරෙහිව ජනතාව තැබූ විශ්වාසය සුරකිමින් ඕනෑම අයෙකුට එරෙහිව පක්ෂපාතීත්වයෙන් තොරව නීතිය ක්රියාත්මක කළ යුතු බව එරංග ගුණසේකර මහතා වැඩිදුරටත් සඳහන් කළේය.
