රාජ්ය බුද්ධි අංශයේ හිටපු ප්රධානී සුරේෂ් සලේ ත්රස්තවාදය වැළැක්වීමේ පනත යටතේ රඳවාගෙන ප්රශ්න කිරීම සම්බන්ධයෙන් කොටුව දුම්රියපොළ ඉදිරිපිට පැවති සත්යග්රහයකදී සිදු කළ ප්රකාශ හරහා අධිකරණයට අපහාස කළ බවට චෝදනා කරමින් හිටපු අමාත්යවරුන් වන විමල් වීරවංශ, උදය ගම්මන්පිල, පාර්ලිමේන්තු මන්ත්රී දිලිත් ජයවීර, හිටපු ජනාධිපති පෞද්ගලික ලේකම් සුගීශ්වර බණ්ඩාර, ශ්රී ලංකා මහජන පක්ෂයේ නායක අසංක නවරත්න සහ ජ්යෙෂ්ඨ කථිකාචාර්ය මහින්ද පතිරණ යන අය ඇතුළු 6 දෙනෙකුට එරෙහිව කොටුව මහෙස්ත්රාත් පසන් අමරසේන මහතා විසින් අභියාචනාධිකරණය හමුවේ පැමිණිල්ලක් ගොනු කර තිබේ.
මොවුන් අධිකරණයට අපහාස වන ආකාරයේ ප්රකාශ සිදු කර ඇති බවට බැලූ බැල්මට පෙනී යන බව අභියාචනාධිකරණයට දන්වා ඇති මහෙස්ත්රාත්වරයා, එම සැකකරුවන්ට එරෙහිව නීතිමය පියවර ගන්නා ලෙසද ඉල්ලා ඇත. මීට අමතරව, පාස්කු ප්රහාර මාලාවට අදාළව වවුනතිව් කඳවුරේ බුද්ධි තොරතුරු ඇතුළත් සටහන් පොත අපරාධ පරීක්ෂණ දෙපාර්තමේන්තුව භාරයට ගැනීමෙන් අනතුරුව සිදු කළ විමර්ශනවලට අනුව, වවුනියාවේ පදිංචිකරුවෙකු විසින් කොටුව මහේස්ත්රාත් හමුවේ අද (24) පැයකට ආසන්න කාලයක් රහස් ප්රකාශයක් ලබා දී තිබේ.
