බලශක්ති අමාත්යවරයා සහ සිවිල් ගුවන්සේවා අමාත්යවරයා ලෙස ව්යාජ ලෙස පෙනී සිටි පුද්ගලයෙකු එළඹෙන මැයි මස 20 වනදා දක්වා රක්ෂිත බන්ධනාගාර ගත කිරීමට කොටුව මහේස්ත්රාත් අධිකරණය නියෝග කර තිබේ. දිට්වා සුළි කුණාටුවෙන් අවතැන් වූවන්ට ආධාර ලබා දෙන බව පවසමින් ව්යාජ ලේඛන සකස් කර මුදල් එකතු කිරීමේ චෝදනාව මත කොළඹ පරිගණක අපරාධ කොට්ඨාසය විසින් මොහු අත්අඩංගුවට ගෙන තිබුණි. සැකකරු කැසිනෝ ක්රීඩාවේ නිරත වන්නෙකු බව පොලිසිය අධිකරණයට දැනුම් දුන් අතර මොහුගේ පුද්ගලික බැංකු ගිණුම්වලට සහ කැසිනෝ ගිණුම්වලට වංචනික ලෙස ලබාගත් මුදල් බැර වී ඇති බව හෙළි වී තිබේ. මේ වන විට රුපියල් ලක්ෂ 5ක පමණ මුදලක් මොහුට ලැබී ඇති අතර ඩුබායි රාජ්යයේ සිටින ව්යාපාරිකයන් ද මුදල් ලබා දී ඇති බව අනාවරණය වී ඇත.
