බොදු බල සේනා සංවිධානයේ මහලේකම් පූජ්ය ගලගොඩඅත්තේ ඥානසාර හිමියන්ට එරෙහිව අධිචෝදනා ගොනුකර නඩු පවරා ඇති බව කොළඹ අපරාධ කොට්ඨාසය අද (06) අධිකරණයට දැනුම් දුන්නේය. කුරානයට සහ ඉස්ලාම් ධර්මයට අපහාස වන අන්දමින් මාධ්ය වෙත අදහස් දැක්වූ බවට උන්වහන්සේට චෝදනා එල්ල වී ඇත.
නීතිපතිවරයාගේ උපදෙස් මත කොළඹ මහාධිකරණය හමුවේ මෙම නඩු පැවරීම සිදු කර ඇති බව පොලිසිය කොටුව මහේස්ත්රාත්වරයා වෙත වැඩිදුර වාර්තාවක් ඉදිරිපත් කරමින් සඳහන් කළේය. අද දින අධිකරණය හමුවේ පෙනී සිටි ඥානසාර හිමියන්ට, නොතීසියක් ලැබුණු විගස මහාධිකරණය හමුවේ පෙනී සිටින ලෙස මහේස්ත්රාත්වරයා නියෝග කළේය.
